Duela egun batzuk Leire Barrenak iragarri zuen ZuZeun ETB2n saio berria abiatuko zela laster: Cuadrila busca cita. Pasa den asteburuan izan zen lehenengo saioa, eta horrekin batera, iragarri zenean jada piztu ziren ahots kritikoak sendotu eta biderkatu egin dira.

Horien aurrean, EITBk honako ohar hau argitaratu du saioa mantentzeko argudioak emanez. Hauxe dio besteak beste:

“Saioaren zuzendaritzak errespetua eta ondo pasatzeko gogoa bat etortzea nahi du eta Berdintasun Legearen hastapenak ez urratzea zaindu du. Proiektuaren egilearen helburua zen ikusle gehienei erakargarri izango zitzaien entretenimendu-formatu bat sortzea, sexua/generoa sistemak ezarritako portaeretan aldaketak egitea ahalbidetuko zuena, gizarte berdinago bat lortzeko ahaleginean. Horretarako arrisku handiko apustua egin da: tradizionalki patriarkatuak bere tresnatzat erabili duen programa-eredu bat diskurtso alternatiboak plazaratzeko baliatu da.”

Salabardoak egun batez nazioarteko itsasoak utzi eta saioaren aurkako erreakzioak bildu ditu, besterik ezean, hausnarketa eta eztabaidarako gaia izango direlakoan:

• ETB2ko saio berri baten eduki sexistak polemika sortu du sare sozialetan (Gorka Bereziartua – Argia)

• EH Bilduk EiTBri dei egiten dio “Cuadrilla busca cita” saioa erretiratzeko (EH Bildu)

• Berdintasunari huts eginda (Iñaki Petxarroman – Berria)

• Euskal Herriko Mugimendu Feministaren iritzia (Gaur Donostia)

• Urrunago joan baino lehen (Aritz Galarraga – Berria)

Twitteren ere, #ETBnEdukiSexistarikEz traola zabaldu da, eta bi egunen ostean ere oraindik bada erabiltzen duenik:

“#ETBnEdukiSexistarikEz”(r)i buruzko Txioak