Seguru asko, ezkerrekoa iruditu zaizu neska, eta eskuinekoa mutila. Geuri ere bai, baina oker gabiltza denok, aurpegi bera baita bi argazkietan. Areago, argazkia ere bat eta bakarra da.

Ezkerrekoak kontraste handiago eta eskuinekoak gutxiago, horixe da dena. Maskulinitatea eta feminitatea, azken finean, argi kontua da, edo izan daiteke, bederen.

Horixe frogatu nahian aurkeztu ditu argazkiok Richard Russell izeneko psikologoak, Harvard unibertsitatekoak, Urteko Ilusio Optiko Onena lehiaketara, eta hirugarren saria eman diote.