Turkiak Siriako Iparraldeko eta Ekialdeko Administrazio Autonomoan (Rojava) egindako bonbardaketak geldia daitezela edo Tishrin urtegia suntsituko da!

Siriako Iparraldeko eta Ekialdeko Administrazio Autonomoak (Rojavako gune populatu kurduak barne) adierazi duenez, Tirin presa, Eufrates ibaian, porrotaren zorian dago, militar turkiarren eta talde jihadista-terrorista afiliatuen eraso bortitzen ondorioz. Administrazioak azpimarratu duenez, 1.900 milioi metro kubikoko ahalmena duen bere eskualdeko ur-baliabide izugarri horren suntsipenak Eufrates haraneko zerrenda luze bateko bizitza biologikoa mehatxatzen du, ekologikoki eskualde horretako paisaiarik anitzena baita. Nazioarteari dei egin dio elkartasuna adierazteko suntsipen handi hori gertatu baino lehen.

Duela urte batzuetatik hona, Turkiako Estatuak eta bere talde jihadista afiliatuek Siriako Iparraldeko eta Ekialdeko Administrazio Autonomoko ale-siloak, azpiegitura elektrikoak eta hidraulikoak eta bizitegi-eremu zibilak suntsitzen dituzte gerra-makinekin. Elikagaien, uraren eta elektrizitatearen azpiegituren aurkako erasoek suntsipen bat sortzen dute, etorkizuneko belaunaldiei ere eragingo diena. Ekialde Hurbila lehorte larri baten mehatxupean dagoen bitartean, baliabide hidrikoen eta azpiegituren aurkako eraso horiek administrazio autonomoko biztanleei ez ezik, eskualdeko izaki bizidun guztiei ere zuzentzen zaizkie.