Abertzaletasun eskizoidea
Abertzaletasun eskizoidea –
Eusko abertzaletasunaren eta kristautasunaren arteko lotura eztabaidaezina da. Lehen jeltzaleak —JEL-etik, ‘Jaungoikoa Eta Lagi-zarra’— karlistetatik zetozen, eta ezker abertzaleak 70. hamarkadan aitortu egiten zuen bertoko elizak euskal naziogintzari egindako ekarpena.
Hori horrela, anomaloak dira gipuzkoar mendietako gurutzeak 2022tik botatzen dabiltzanak, zer eta ikurrinak eskuetan dituztela, lehen tokian Gurutza Deuna (zuriz) eta bigarrenean Ander Deunarena (berdez) dituen bandera!
Abertzale batzuek Nafarroako bandera daramate aspaldi, ikurrin ‘sabindarra’ apurka baztertzeko-edo. Hori bai: Erreinu horretako koroa kenduta, eta (bitxiki) esmeralda berdea utziz, Antso VII ‘Azkarrak’ Mohamed al-Nasirri mitikoki irabazitakoa islamaren kontrako batailan. Ez dago biltzen gaituen beste euskal ikurrik, kristautasun sinboloetatik at!
Richard Dawkins, ateismoaren dibulgatzaile entzutetsuak, «kristau kultural» gisa deskribatu du bere burua (LCB irratia, 01/04), ateo sutsua izan arren, aitortzen baitu mendebaldean kristautasunaren eraginak ekarpen positiboak izan dituela.
Hain zuzen ere, ondare hori desagerraraztea bilatzen du bertoko ezkerraren sektore batek, ‘Ama Lurraren’ edo Mohameden kultua sustatzera ailegatuz… Laikotasuna ezpainetan duen bitartean!
Etxean daukagun abertzaletasunaren parte bat eskizoide samar dabil beraz, bere herriaren kultura-erroak gorrotatzeaz beste, kritikatzen duenaz haratago doazen kontraesanetan erortzeko inolako erreparorik gabe. Etxekaltea!
Abertzaletasun eskizoidea
Caixo Aitor,
Dioçu ecen, aberçale batzuec, ikurrina “sabindarra” baztercecotz edo, Nafarroco bandera darabiltela, erreinu horren corona kenduta, eta smarauda verdea utziz, eta hura Miramamolinen gauçarequin lotzen duçu. Christautzarequin lotzen duçu hura.
Uste dut oker çarela. Uste dut… Aguian ni naiz oker dena.
Nafar banderaren eta armarriaren erabilpenaren historiari buruz, webgune honetan bilha deçaqueçu informatione interessanta:
https://nafarroagara.wordpress.com/nafarroako-bandera-historikoa/
https://nafarroagara.wordpress.com/nafarroako-armarri-historikoa/
Elkarte horretan lan polita eguiten dute, informatione documentatuan oinharrituz.
Bandera horren historia ez da abiatzen Miramamolinequin eta Navas de Tolosaco battalian. Bandera horren historian catheac adibidez, XV mendean erabilcen hassi ciren.
Smarauda verdea, berez carbunco-carbunculu-escarbuncle iceneco harribitchi bat da. Ertaroco symbologian, nombait itzaletan arguia emaiten çuen harri magicoa çatequeen.
Çorci izpien edo bastoinen bitartez hedatzen liçateque argui hura. Halaco irudia Europan asqui ohicoa omen cen.
Gurean, erabilcen lehena, oker ez banaiz, Anso VII Jaquituna içan cen, XII mendean. Jaquituna, ceinac Pamplonaco Resumari Naffarroa icena eçarri baitzeraucon, Anso VII Azcarraren aita cen.
Azcarra da ceinari gaztelarrec conquestatu baitzeraucoten Alava, Durangaldea eta orain Guipuzcoa dena 1200. urthean. Ondoren regue hura hil cenean, naffar eliteec erabaqui çuten bere ilhoba bat, Champagne eta Brieeco comptea cena hor Francian, Naffarroco regue icendatzea. Regue hura hassi cen erabilcen jada carbunculua, hau da: harribitchia eta çorci izpi-adarrac, pomela icenco orobilchoequin eta campotic itchita erabilcea, resumaren ikur beçala, fondo gorrico bandera batean.
Ikur hori forma ezberdinetan barreiatuta aguercen da Europa ossoan.
Catheac, erran beçala, ondorengo contua dira.
Bandera hori naffar resumarena da. Schizoidea dela? Nere ustez ez. Poste honetan jarcen duçun berce ideia orocorrarequin guti goiti behiti bat nathor, orocorrean, bainan hemen, ez.
Berce alde batetic: Bai, Naffarroa Resuma bat içan cen. Eta? Gaztela ere, Francia ere… Gaur egun gaztelarrec Espainia dute, franciarrec Francia. Eta guc? Naffarroa: euscaldunon Resuma. Içan ere, Anso VI Jaquitunac, ceinac icena naffarren resuma eçarri baitzuen, bere documentu batean euscarari buruz aritzen denean, naffarren hizcunça, “lingua nauarrorum” formula erabilcen du.
Naffarroa ez da navarrissimoen Resuma. Naffarroa euscaldunon Resuma independent eta subiranoa da, modu charrez tyranizatua, desnationalizatua.
Cer forma hartu beharco luqueen gaur egun: bon, berce bat, orainari eta ethorquiçunari lothua; baina otso bat dena ez da ardi, eta arranoa dena ez da uso, eta oiloa dena ez da oilar. Gure herriac ez du asmatu behar, azquen aldi jada luceetan legue bihurtu den beçala, ecer. Bere burua eçagutu behar du, bere memoria cer den; eta orainean jarduteco prestatu, ethorquiçuneco eguitasmo batean gendearen indarrac bilduz eta eraguinez.
Adeitassunez