Erriberan gezurretan –

Goiko irudiko orria zabaldu dute Nafarroako Erriberan, jendeak euskarari beldurra edo gorrotoa izan diezaion. Erriberan, lan deialdi publikoetan, euskara sobera baloratzen omen da. Horren aurrean, Koldo Martinez politikariak esan du hori testuingurutik aterea dagoela, eta euskarari 2,7 puntu ematea ez dela sobera, batez ere kontuan izanik alemanak, frantsesak eta ingelesak 2 puntu ematen dituztela bakoitzak.

Baina hori ere ez da egia. Gaur arte (2018-2-28) egia dena da GOBERNU HONEK EZ DUELA INOIZ BALORATU EUSKARA ERRIBERAN, eta bai ordea alemana, frantsesa eta ingelesa.

Hona hemen Euskararen Foru Dekretu berria onetsi zenetik izan diren lan deialdiak, eta hizkuntzek ERRIBERAN izan duten balorazioa (gaztelania, betiere, nahitaez).

Informatikako teknikari izateko oposizioa: ez ziren hizkuntzak baloratu

Administrazio publikoko teknikari izateko oposizioa: ez ziren hizkuntzak baloratu

Gizarte langile izateko oposizioa: ez ziren hizkuntzak baloratu

Eskolazain izateko oposizio-lehiaketa:

Alemana, frantsesa, ingelesa: 2 puntu

Euskara: 0 puntu

Liburutegiko arduradun izateko oposizioa: ez ziren hizkuntzak baloratu

Berdintasuneko teknikari izateko oposizioa: ez ziren hizkuntzak baloratu

Ataletako eta bulegoetako buru izateko merezimendu lehiaketa:

Alemana, frantsesa, ingelesa: 5 puntu

Euskara: 0 puntu

Hezkuntzako ikuskatzaile izateko oposizio-lehiaketa:

Nafarroa osoan aritzeko lanpostua. EGA izateagatik: 0,1 puntu

E mailako lanpostuak betetzeko oposizioa: ez ziren hizkuntzak baloratu

Suhiltzaile-peoi izateko oposizioa: ez ziren hizkuntzak baloratu

Suhiltzaile-gidari izateko oposizioa: ez ziren hizkuntzak baloratu

Honen aurrean, oroitaraztekoa da Arartekoak Nafarroako Gobernuari egindako gomendioa: lan deialdietan ez daitezela atzerriko hizkuntzak euskara baino gehiago baloratu.

Erriberan gezurretan