«Bakoitzak bere ikuspuntua du» dio

hilean 2700 jasotzen dituenak.

«Masaila sorbaldatik bereiziko dizugu» dio

hilean 682 irabazten dituenak.

«Bilatzen ez duelako ez du lanik…» dio

1500 jasotzen dituenak eta

«… ze lana egon badago» gehitzen du

710 irabazten dituenak, eta

710 irabazten dituen lankideak

modu txarrean jaurti dio

ROBERT DESNOSEN ERRETRATUA:

 

  «Ikusi al duzu askatasuna

Berdintasunarekin oheratzen dela,

Zatar doa

Eta ez bada gogaitzen

itsasoko suge txikia

emango diogu

zeinak bere sorbaldak estaliko dituen

anaitasunaren Estatu Batuetan bezala»

682 irabazten dituenak singularreko

hirugarren pertsonarekin jarraitu du:

«mundua 1500etik, 682tik, 2700etik, 478tik edo

3500etik ikusten da, hori da bakoitzak duen ikuspuntua»

pluraleko lehenengoarekin oldartu da azkenik:

«Masailak sorbaldetatik bereiziko dizkizuegu».

 

[testu zati hau ezabatu irakurri aurretik…]

(«kontuak ez dira hain sinpleak» otu zaio irakurle bati,

bada, esaguzu zein den zure ikuspuntua,

«demagogia hutsa egiten ari zarete kontu honekin»,

ados, psikoanalisia zientzia dela onartzeko prest gaituzu,

450 sesioko, Onfray testigu)

[…testu zati hau ezabatuta irakurri duzu]

 

Péret Massonentzako zehaztasun ariketak

egiten ari zen, Ernst bibotea luzapenari ebakitzen

eta Gala errebolberra biratzen. Egun, jakina da

Plaza Berriko ahoak huts egiten zuela aldian-aldian,

orduan, ez zegoen hain argi eta oharpen oro soberan zen.

 

andreas eta gudrun