Liztor kapitaina (Jean Gabriel Guerra, Jonnathan Melendez)

Abenturak | Fantasia | Txikientzat | Zinema Euskaraz

Istorioa Avispatropolisen eta Eztiaren Erreinuan gertatzen da. Harmonian bizi dira, abaraskan, Avispa kapitainak babestuta, baina euren etsai Jaques Poison liztorrak eta bere jarraitzaileek bake horrekin amaitu eta bi koloniez jabetzeko asmoa dute. Avispa kapitainaren esku dago beretarrak kosta ahala kosta defendatzea eta, beti bezala, nobleziaz, justiziaz eta errugabetasunez ekingo dio lan horri.

Zineuskadiren Zinema Euskaraz egitasmoari esker, euskaraz ikusi ahalko da filma EAEko zinema-aretoetan.

.

Black Tea (Abderrahmane Sissako)

Drama | Maitasuna

Aya, Boli Kostan bizi den neska gaztek, harrituta utziko ditu ingurukoak bere ezkontza egunean ezezko borobila emango baitio senargaiari. Bizitza berri bat hasteko asmoz, Txinara ihes egin eta Cairen te denda txikian bilatuko du lana. Halako espazio lasai eta espiritualak baliaturiko intimitatean, txinatar tearen inguruko zeremonian murgilduko du jabeak langilea… Irakaspenek aurrera egin ahala, lotura bizia sortuko da haien artean.

2024 | Berlinale – Berlingo Nazioarteko Zinema Jaialdia: Sail Ofiziala

.

Le Théorème de Marguerite (Anne Novion)

Drama | Matematikak

Lyongo Goi Eskola ospetsuko matematikako ikasle bikaina da Marguerite. Bere promozioko emakume bakarra da, eta primeran ari da bere tesiaren azalpena prestatzen. Egun garrantzitsuenean, ordea, akats txiki batek amildegiaren ertzean ipiniko du emakumea. Margueritek, dena utzi eta berriko ekitea erabakiko du.

2023 | Cannesko Nazioarteko Zinema Jaialdia: Sail Ofiziala

2023 | Frantses Zinemagintzaren CESAR sariak: Emakumezko aktore berri onena (Ella Rumpf)

.

Speak No Evil (James Watkins)

Beldurra | Remake

Familia amerikar bat asteburua oporretan ezagutu zuten familia britainiar xarmant baten etxe idilikoan igarotzera gonbidatua izango da. Opor idiliko ziruditen horiek, ordea, laster egingo dute bira amesgaizto psikologiko bilakatzeraino…

2022an, Christian Tafdrup zuzendari daniarrak aurkezturiko izen bereko filmaren remake saiakera.

.

Justicia artificial (Simón Casal)

Thrillerra | Adimen Artifiziala | Drama

Espainiako gobernuak erreferendum bat iragarri du Justizia Administrazioan Inteligentzia Artifizialeko sistema bat txertatzea onartzeko. Sistema horren iritsierak, ustez, justizia automatizatu eta despolitizatuko luke, praktikan, herrialdeko auzitegi guztietan epaileak ordezkatuz. Hala, besteak beste, Carmen Costa epaile ezaguna gonbidatuko dute proiektuaren garapenean lan egitera; baina Alicia Kovack sistemaren sortzailea bat-batean desagertzeak mesfidantza handia sortuko du harengan.

.

Hotel Bitcoin (Manuel Sanabria, Carlos Villaverde)

Komedia | Internet | Informatika

Lau lagunen, 5000 bitcoin-en eta ordenagailu eramangarri baten historia kontatzen du. Festa, mailegu-emaile, maitasun, erokeria eta krimen artean, diru hori babestu beharko dute astelehena iritsi arte, asteburua hotel batean itxita igarota.

.

Beautiful Wedding (Roger Kumble)

Maitasuna | Komedia

Abby eta Travis ezkonberrien -Las Vegasen, gau ero baten ondoren, eztei-bidaia jarraituko du filmak. Izan ere, ezkonduta daudela deskubritu ondoren, Mexikora bidaiatzea erabakiko dute, senitartekoekin eta lagunekin batera.

.

Os reviento (Kike Narcea)

Ekintza | Thrillerra

Gabriel boxeolari ohia hiriko herrixka erretiratu batean bizi da, bere aitarekin eta Pepe txakurrarekin batera. Tarado ezizenez ezagutzen dute herrian, eta, oraindik boxeatzeko gai izan zitekeen arren, bizimodu lasaia darama espetxean urte batzuk ematera eraman zuen kirol horretatik urrun. Baina mamu zaharrak beti itzultzen dira…

2023 | Sitgesko Zinema Fantastikoaren Nazioarteko Jaialdia: Film onenaren saria (Midnight X-Treme atala)

.

The Amazing Spider-Man 2: Rise of Electro  (Marc Webb)

Fantasia | Ekintza | Abenturak | Marvel

Peter Parkerrek bizitza oso lanpetua darama Spider-Man heroiaren gisara gaizkia borrokatzen eta, aldi berean, institutuko eguneroko gorabeherak kudeatzen. Eguneroko horren beste zati garrantzitsu bat da Gwen: neskatoaren aitari hura zaindu eta urrun mantenduko zenaren promesa egin zion, baina ezinezkoa zaio esandako hori betetzea.

2014an estreinaturiko filmaren berrestreinaldia, hamargarren urteurrena dela eta.

Estreinaldi guztiak ezagutzeko, sartu ZINEA atarian!

Estreinaldiak: Irailak 13