Apaolaza eta Otxandianorekin poteatzen (txio festa)

Apaolaza eta Otxandianorekin poteatzen

Apaolaza eta Otxandianorekin poteatzen
Unai Apaolaza

Ezker Abertzalea asko aldatu da azken urteetan, eta aurrean dituen erronkak, betiko moduan, ez dira makalak. ‘Zutik Euskal Herria’-ren ondoren, estrategia zehazteko bigarren urratsa izan zen ‘Abian’ prozesua. Helburu nagusia Zutik Euskal Herria ebazpenak ekarri zuen estrategia aldaketan abiadura handitzea izan zen; hots, adostutako estrategia gaurkotuz, Zutik Euskal Herriaren potentzial osoa askatzea.

Apaolaza eta Otxandianorekin poteatzen
Pello Otxandiano

Zein zen tesi nagusia? Estrategia independentista bersortzearen beharra. Nola eta zertarako? mugimendu independentista herritar zabal, anitz, sendo eta eraginkor bat sortzeko, hegemonia independentista eraikitzeko gai izango den mugimendua, alderdien interesen gainetik kokatuko dena.

Horren ostean Zohardia izeneko ponentzia aurkeztu da, eta horren inguruan ere eztabaida sortu. Birfundazioan eztabidagai dauden gai nagusiak oinarri ideologikoak, ildo politikoa eta antolakuntza eredua dira.

Baina ez dira soilik edukiak aldatu, eztabaida garatzeko formak ere aldatu dira. Horren adibide Unai Apaolazak eta Pello Otxandianok twiterren hasi eta garatu duten eztabaida. Gaia interesgarria eta eztabaidatzeko modukoa da, ziur, eta 140 karaktere muga estu samarra diren aldetik plaza zabalagoa izan dezakegu hemen; ezker abertzalearen proiektua konpartitzen dutenentzako, edo ez.

Abenduaren 28an hasi zen eztabaida, eta horretan dihardute oraindik. Diotenez poteatzeko asmoa daukate gaiaren inguruan hitz egiteko. Nire proposamena kedada publiko bat egitea da, eta poteak azaltzen garenon kontu.

Ea zer iruditzen zaien proposamena protagonistei.

Apaolaza eta Otxandianorekin poteatzen Apaolaza eta Otxandianorekin poteatzen
abian, Apaolaza eta Otxandianorekin poteatzen, birfundazioa, ezker abertzalea, independentismoa, pello otxandiano, sortu, unai apaolaza, zohardia

Utzi erantzuna

Zure e-posta helbidea ez da argitaratuko. Beharrezko eremuak * markatuta daude