Pornografia

Pornografia –

Felipe Murillok Uztarrian.

Pornografia izan da gure heziketa sexuala. Ikerketek aspalditik ziotena kantuz ohartarazi ziguten duela ez hainbeste, eta uda honetako sexu erasoen maiztasunari eta moduei erreparatuz gero, abestiari arrazoia ematea besterik ez zait geratzen.

PornografiaGogoan ditut pornografiarekin izandako lehen harremanak. Argazkiz jositako aldizkariak edo ordainpeko kanalen bat zuen lagunen batek grabatutako VHSak izan ziren gure lehen kontaktua. Gaur egun, poltsikoan daramagu pornoa. Internet konexioa eta lau segundoko denbora-tartea behar ditugu soilik edozein fantasiaren erreprodukzioa begi aurrean izateko. Lehen irudi haiek errepresentatzen zutenaz ezer gutxi azaldu ziguten bere garaian, eta sortzen joan zitzaigun iruditeria deseraikitzen gabiltza ordutik.

Azken ikerketen arabera, nerabeak, batez beste, 13 urterekin hasten dira pornografia kontsumitzen. Klik bat, eta edozein motatako sexu praktikak dituzte ikusgai; gizartearen isla izaki, pornoan ere emakumearekiko tratu onak eta jarrera parekideak hutsalak dira. Sexu jakin-mina elikatu genuen guk irudiokin. Gaur egun, ordea, jakin-mina bera sortu baino lehen ere eskura dituzte hainbat bide irudiotara iristeko. Errealitatea eraikitzen hasi aurretik fantasiarekin jolasean dabiltza, bien arteko bereizketa zailduz. Sarri idatzi dut hemen kontraesanen alde, baina hedabideek –modu morbosoegian, portzierto– sexu erasoen berriak erakusten dizkiguten bitartean, gertatzen ari denaren inguruko azalpena topatu ezinik gabiltza, sexu heziketaren ardurari uko egiten diogula, begiak itxiz ebidentziei.

Katastrofista nabilela pentsatuko du norbaitek, baina udazkenean sartu berri, argi-orduak ahitzen zaizkigula dirudi.

Pornografia

Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

3 pentsamendu “Pornografia”-ri buruz

  • Amonamantangorri 2019-11-15 18:23

    “… ordainpeko kanalen bat zuen lagunen batek grabatutako VHSak izan ziren gure lehen kontaktua”.

    Pentsatu beharko dut zure lagunen grabazioak zuri-beltzeko irudi kodifikatuak izanen zirela. Izan ere, Canal+en pornoa ezin zitekeen inola ere VHSan grabatu, eta ondorengo plataformetakoak ere ez.

    Bestalde, gaur gaurkoz, ez du inork korrelazio estatistikorik frogatu porno kontsumoaren eta sexu-indarkeriaren artean. Besterik dioena, oraingoz, gezurretan ari da.

    Gure gizartean sexu-erasoak hazi egin al dira? Zenbateko portzentaian?

  • Amonamantangorri 2019-11-15 18:23

    “… ordainpeko kanalen bat zuen lagunen batek grabatutako VHSak izan ziren gure lehen kontaktua”.

    Pentsatu beharko dut zure lagunen grabazioak zuri-beltzeko irudi kodifikatuak izanen zirela. Izan ere, Canal+en pornoa ezin zitekeen inola ere VHSan grabatu, eta ondorengo plataformetakoak ere ez.

    Bestalde, gaur gaurkoz, ez du inork korrelazio estatistikorik frogatu porno kontsumoaren eta sexu-indarkeriaren artean. Besterik dioena, oraingoz, gezurretan ari da.

    Gure gizartean sexu-erasoak hazi egin al dira? Zenbateko portzentaian?

  • Amonamantangorri 2019-11-17 13:02

    A, barkatu, jakin berri dut Canal+ eta abarren filmak VHSan grabatzeko moduak bazirela.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude