Asteburu honetan: Perretxiko rissotoa

Asteburu honetan: Perretxiko rissotoa

Asteburu honetarako, arrozarekin egindako beste RZ ez hain erraz bat, perretxikoak jasotzeko irrikaz zaudetenontzat eta jada jasotzen ari zaretenontzat, zuek pagotxa! , edo RZ bikaina. On egin!

Perretxiko rissotoa

perretxiko rissotoa
perretxiko rissotoa – Joselu Blanco

Osagaiak:

  • 4 eskukada arroz
  • 4 onddo haundi edo lau eskutada perretxiko (ziza, gibelurdin, negrilla, barrengorri…)
  • 3 tipulina
  • 2 baratxuri atal
  • piper berde ale erdi
  • haragi edo barazki salda (besterik ez baduzu, pastillarekin egindakoa)
  • baso erdi ardo txuri
  • parmesano gazta, hauts edo xaflatan
  • goilarakada bat gurin
  • 5 goilarakada oliba olio
  • gatza
  • piper beltz hautsa

 

Errezeta:

  1. Perretxikoak sukaldeko paper heze baten laguntzaz ongi garbitu.
  2. Perretxiko/onddoaren txapela eta oina laban baten laguntzaz banatu.
  3. Barazkiak; tipulina, baratxuria, onddo oina eta piper berdea zati txikitan egin.
  4. Txapela gainontzeko barazkiak baino zati handiagotan egin. Eskuarekin apurtuta, hobe.
  5. Zartagin edo padera batean, 4-5 koilarakada oliba olio ipini eta onddo txapelak izan ezik, gainerako barazkiak gorritzen jarri su ertainetan.
  6. Barazkiak ongi gorritutakoan arroza eta onddo txapel zatiak gehitu eta ongi eragin su bizitan pare bat minututan.
  7. Ardo txuri edalontzi erdia gehitu eta 2-3 minutura salda.
  8. Salda gehitu eta su bizitan egosi lehen 3-4 minututan goilara baten laguntzaz aldiren batean eraginez eta paderan arroza ongi sakabanatuz.
  9. Su ertainera jeitsi eta gatzpipertu nahieran.
  10. Beste 10 minutuz egosi eta arrozaren puntua apurtxo bat gogor dagoela, gurin goilarakada eta parmesano gazta eskukada bat gehitu.
  11. Sutatik kanpo, goilararekin eragin krematsu geratu arte.

Kasu!

Ahal baduzu, txorroteko ur berotan edo, platera berotu eta lehortu risotoa zerbitzatu aurretik. Zerbitzatzerakoan, risoto geruza fin bat egin eta gainean parmesano gazta eta oliba olio gordin tanta batzuez lagundu.

Bomba eta carnarolli motako arrozak dira rissotoa egiteko merkatuan topa daitezkeen aproposenak. Egoste puntu aproposa 15 minuturen inguruan dutelarik.

Gozatu eta on egin!

Asteburu honetan: Perretxiko rissotoa

Errezeta gehiago…

Patata errioxarrak

Piperrada

Asteburu honetan: Perretxiko rissotoa
Arroza, errezeta, pagotxa, perretxikoak
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude