Asteburu honetan: Pa amb tomaquet

Pa amb tomaquet –

Pagotxa RZk - Pa amb tomaquet

Asteburu honetarako, kataluniari begira gaudenez guztiok, gure omenalditxoa egin eta sukaldean zenbait teknika ikasteko bidea jarraituko dugu. Pa amb tomaquet RZ dakarkizugu, ama eta izaba datozenerako, edo noiznahi jateko moduko RZ, goxoa eta prestatzeko azkar eta erraz-erraza. Gozatu eta on egin!  🙂

Pa amb tomaquet

Pa amb tomaquet

Osagaiak:

  • Ogi biribila, xerra loditan moztua
  • Tomate freskoa eta umoa
  • Oliba olioa
  • Gatza

Errezeta:

  1. Mami xamurrekoa eta azal kraskatsukoa da errezeta honetan erabili beharreko ogia, gure lagun kataluniarrek pan de payés deitzen dutena. Ahhh! gorroto egingo gaituzte esan behar dugunagatik, baina errezeta hau oso ongi gelditzen da hasteko ogia azaletik txigortzen badugu, Heresia gaitza, esango digute! Pikutara heresiak!
  2. Bi aldeetatik igurtziko ditugu ogi xerrak tomate erdi umoekin, ogiak haien zukua ongi har dezan. Hori egin aurretik, bitan zatituriko baratxuri batez igurzten baditugu, talibanen batek errezeta hori jatorrizkoa ez dela argudiatuko digu, baina tira!
  3. Azkenik, gatza eman eta oliba olio ugariz garaztatuko ditugu ogi xerrak. Olio jarioan geldi daitezela malapartatuak!

Kasu!

Hestekiak, urdaiazpiko iberiarra, natxoak gatzetan, mojama, butifarra erreak, eta abarrak aurkeztu ahal izango ditugu ondoan. Edozein ogitarteko prestatu behar dugunean, ogia gisa honetan prestatzen badugu, bizia askoz ere gozoagoa izango da eta bizkorrago igaroko dira gure pena guztiak.

Pa amb tomaquet

Errezeta gehiago…

Asteburu honetan: Tomate eta urdaiazpiko pintxoa (ogia tomatearekin xabier eran)

Asteburu honetan: HUT ogitartekoa (hirugiarra, uraza eta tomateaz)

MerkatuaAsteburu honetan: Pa amb tomaquet
errezetak
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude