Asteburu honetan: Maionesa egiten lagun ezazu behintzat

Asteburu honetan: Maionesa egiten lagundu ezazu behintzat –

Asteburu honetan: Amonaren 8 saltsa

Asteburu honetarako, mahaia jartzeaz gainera zerbaitetan etxean lagundu beharko duzunez, maionesaren RZ erraz-errazarekin gatozkizu, eta behin ikasita noiznahi egiteko moduan izango zara. Ez izan alferra eta ekin: zeuk egindakoa beti izango duzu hobea dendan erositakoa baino, eta batek baino gehiagok sorpresa hartuko du zerorrek egin duzula ikustean. Gozatu egun hauek eta on egin!

Maionesa

Asteburu honetan: Maionesa egiten lagundu ezazu behintzat

Osagaiak:

  • Arrautza bat
  • Baxoerdi ekilore olio (nahi baduzu olibolio parrastada bat ere egin, baina olibolio hutsarekin astunegia geratzen da)
  • Goilarakada erdi ozpin
  • Gatz ximiku bat

(Irabiagailua ere beharko duzu)

Errezeta:

  1. Jarri osagai guztiak ontzi luzexka batean (irabiagailuak ekartzen du berea)
  2. Irabiagailuaren besoa sartu ontzian beheraino eta eman indarrari
  3. Igo eta jaitsi hiruzpalau bidez, saltsa gorpuzten dela ikusi arte.
  4. Dastatu eta gatz/ozpin puntua zuzendu

Kasu!

Maionesa nahi beste gauza gehituta egin dezakezu: baratxuri ale bat, esne apur bat (arintzeko), perrexila, tipula… Guri geuri, soila gustatzen zaigu eta, ahal dela, sagardo-ozpinarekin.

Leundu nahi izanez gero, olio xuabeagoak erabili behar ditugu, eta oliba olioa eguzki-olioarekin nahasi ahal izango ditugu, esate baterako. Ozpinaren ordez limoia erabili ahal izango dugu, edo biak batera bideratu.

Gozatu eta eguberri on!

Asteburu honetan: Maionesa egiten lagundu ezazu behintzat

Errezeta gehiago…

Etxeko torrada edo torrijak

Sagar tarta

Asteburu honetan: Maionesa egiten lagundu ezazu behintzat

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!