Itzulpengintza automatiko neuronala aztergai Kyunghyun Cho adituarekin

Itzulpengintza automatiko neuronala aztergai Kyunghyun Cho adituarekin –

Itzulpengintza automatiko neuronala aztergai Kyunghyun Cho adituarekin

Badira urte batzuk itzulpengintza automatikoa urratsak egiten hasi zela. Garai batean, erregela linguistikoetan oinarritutako sistemak ziren nagusi (RBMT teknologia). Gerora, estatistikan oinarritutako sistemak gailendu ziren (SMT teknologia). Azken bi urteetan, berriz, neurona-sareetan oinarritutako sistemak hobekuntza kualitatiboak lortzen ari dira (NMT teknologia). Gaur egun deep learning delakoan oinarritzen da itzulpengintza automatikoaren arloko ikerketa nagusiki.

Euskal Herrian ere ari gara horretan. Modela proiektuaren barruan, gaztelania-euskara eta gaztelania-ingelesa hizkuntza-bikoteetarako sare neuronaletan oinarritutako itzulpen-sistemak ikertzen ari gara 5 erakunde, elkarlanean: Ametzagaiña, EHUko Ixa Taldea, Vicomtech/IK4, ISEA eta Elhuyar.

Proiektu horren berri emateko eta mundu mailan itzulpengintza automatiko neuronalaren arloan egiten ari diren aurrerapausoez gehiago jakiteko, jardunaldi ireki bat antolatu dugu maiatzaren 29rako. Bertan, Modela proiektuko kideez gain, gonbidatu berezi bat ere izango dugu: Kyunghyun Cho, New Yorkeko Unibertsitateko ikertzaile ezaguna. Itzulpengintza automatiko neuronalaren arloan eta oro har deep learnig delakoan aditu ezagunenetako bat da Kyunghyun Cho, eta errekonozimendu ugari jasoa da; besteak beste, Google saria eman zioten iaz.

Noiz: 2017ko maiatzaren 29, goizeko 11.00etan

Non: UPV/EHUko Informatika Fakultatean
Lardizabal 1, 20018 Donostia

Hizkuntza: ingelesa

Egitaraua:

     * 11.00-11.15: Sarrera eta proiektuaren aurkezpena

     * 11.15-12.30: NMT (Kyunghyun Cho)

     * 12.30-13.15: Modela proiektuaren lehen emaitzak

Itzulpengintza automatiko neuronala aztergai Kyunghyun Cho adituarekin
deep learning, euskara, itzulpengintza automatikoa

Elhuyar 1972an jaio zen zientzia eta euskara uztartzeko asmoz. Elhuyarrek Kultur Elkarte bezala egin zituen lehen urratsak eta 2002an Fundazio bihurtu zen. Ordutik, Elhuyar Fundazioak etengabe dihardu lanean zientzia eta teknologia gizarteratzeko eta euskararen garapena bultzatzeko. Elhuyar Fundazioa irabazi asmorik gabeko erakundea da eta hainbat diru-iturriri esker dirau lanean: bazkideen ekarpenak, diru-laguntza publikoak eta Elhuyarrek ekoizten dituen produktuetatik lortutako mozkina. Elhuyarren xedea hauxe da: Euskara zientzian, teknologian eta gizartean sendotzen eta harentzako arlo berriak eraikitzen egiten dugu lan, euskal komunitate aktiboa eta kritikoa helburu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude