Ipuintxo, haurrei mugikorrean euskarazko ipuinak kontatzeko aplikazioa

Ipuintxo, haurrei mugikorrean euskarazko ipuinak kontatzeko aplikazioa

“Sorgin txiki”, “Galtzagorri aztia”, “Basajaunen sukaldea”, “Marigorringoren abenturak”… ipuin hauek eta beste asko dira Ipuintxo aplikazioaren bidez zure mugikorrean ikus ditzakezunak. Euskal mitologiako pertsonaiak dira protagonista eta haurrek ipuinean parte hartu eta beraiekin jolasteko aukera dute. Aplikazioa doakoa da.

sorgintxiki-IpuintxoEstudio Panpika euskal enpresak 2013an sortu zuen Ipuintxo aplikazioa, haurrei mugikorretan euskal ipuinak ikusteko aukera emateko. Ipuin hauek euskal mitologia dute oinarri eta ikusteko bi era daude: pelikula moduan edo jolas interaktibo gisa. Azken honetan, etxeko txikiek pertsonaiekin eta ipuineko elementuekin jolastu egiten dute, istoria garatuz.Ipuintxo aplikazioaren aurreneko ipuina “Marigorringoren Abentura” izan zen. “Horrelako edukinen falta somatu genuen, ez zegoen horrelakorik haurrentzako, euskaraz eta doan”, azaldu dio EuskalKultura.com-i Estudio Panpikako Iñaki Garciak. “Harrezkero, beste 9 ipuin eta jolas argitaratu ditugu, denak euskal mitologian oinarrituta, baina beti ere haurrentzako egokituta”.Aplikazioa harrera ona izan du eta dagoeneko 15.000 aldiz instalatu da, horietako batzuk Diasporatik. “Zorionez, sare sozialek erraztu egin dute proiektuaren zabalkundea nazioartean, eta horri esker munduko hainbat euskal etxeetan ezagutarazi ahal izan dugu Ipuintxo. Frantzia, AEB, Txile, Alemania, Belgika, Brasil eta Kolonbiatik instalatu da, esaterako”, agertu du Iñakik.Une honetan Ipuintxoren arduradunak ipuin gehiago garatzen ari dira eta urtea amaitu baino lehen beste lau ipuin argitaratuko dituztela iragarri dute.

Ipuintxo jaisteko, jo hona.

Ipuintxo
Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

2 pentsamendu “Ipuintxo, haurrei mugikorrean euskarazko ipuinak kontatzeko aplikazioa”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude