“Ideien uhartea” lehiaketa

islaideas11

“Ideien uhartea” lehiaketan izena emateko epea zabalik

Uztailaren 6arte egongo da zabalik epea Beazek Bizkaiko unibertsitario eta Lanbide-Heziketako ikasleen artean berrikuntzarako gogoa sustatzeko antolatu duen “ideien uhartea” on-line lehiaketan izena emateko. Horretarako, Gestionet enpresaren laguntzarekin, Beazek ekimena, sormena, malgutasuna eta inguruarekiko moldakortasuna eta talde-lana, besteak beste, bultzatu nahi dituen jokoa prestatu du.

Izan ere, banaka ere izena eman daitekeen arren, soilik Bizkaiko fakultate eta Lanbide-Heziketako ikasle zein tituludunek osatutako hirukoteek esku hartu ahal izango dute eta erabakiak beti koordinaturik eta denak ados jarrita hartu beharko dira.

Jokoa uharte birtual baten kudeaketan datza eta berez ez dago ekintza on edo txarrik, hartzen den estrategiaren eta inguruaren egoeraren araberakoa izango da dena.

Nork erabakitzen du mugimenduak egokiak diren? Plataformak berak. Hilabeteko epean, astean behin jokatuz, jokalariek azpiegitura, energia eta hornidura arazoak konpondu beharko dituzte. Informatika programak zein taldek aurkitu dituen konponbiderik eraginkorren eta berritzaileenak erabakiko du.

Azken saioa bertatik bertara burutuko da uztailaren 28an. Orduan jakingo da nork irabazi dituen 3000 euroko bidaia-bonua (1. saria), eta iPad-ak (2.a).

Argibide gehiago eta izena emateko: www.laisladelasideas.com