Gure osasuna jokoan dago

Gure osasuna jokoan dago –

Joan Ramon Laporte, Farmakologian aditua eta Bartzelonako Unibertsitate Autonomoan katedradunaren deklarazioa ekarri nahi dut gaur eztabaidara. Aditu hau gonbidatua izan zen Espainiako Kongresuaren komisio batean, honetan txertoen kudeaketa eta estatu mailako txertaketa plana aztertu zuten. WhatsAppetik heldu zitzaidan bere interbentzio nagusia, eta jakin gabe oso ondo zer ari nintzen ikusten, baina argi izanda hasieratik instituzio batean gertatzen ari zela, aho bete hortz geratu nintzen bertan adierazitako idei eta edukiekin.

Gure osasuna jokoan dago

Ezin nuen ulertu horrelako eszenatoki batean leku ematea orain arte sistematikoki ukatzen ari ziren ikuspegiei. Ez dakit kolatu egin zitzaien edota neurri batzuen indargabetzea laguntzeko erabili nahi izan zuten. Garbi daukat, pelikula osoaren eszena bat besterik ez dela nire begietara iritsi, baina hala ere pozez hartu nuen horrelako adierazpenak biralak egitearen aukera. Zergatik?

Hasteko, hain bakartuak eta galduak sentitu garenon zenbait iritzi onartutako zientifiko batek babesten zituelako. Honek urruntzen ote gintuen “terraplanista” edota horrelako irainak jasotzetik. Ezkerra oso eremu arrotza izan baita COVID-19aren inguruan sortutako diskurtso nagusia eta honi lotutako kudeaketa salatu edota kolokan jarri dugunontzat. Eskumara batzen ari ginela, antolatutako sektoreak ultraeskuindarrak zirela, jarrera kapitalista-indibidualista-berekoiak hartzen ari ginela edota anti-zientzia hutsak ginela. Ez ditut mespretxatu nahi orain arte aurpegia eman izan duten zientzialari, mediku, profesional edota militante ezberdinak; baina agerpen honek diskurtso hegemonikoaren lubakiaren erdian eragin ezberdin bat izango zuelakoan nengoen. Egun batzuk pasata, ez dakit ze nolako oihartzunik izan duten hitz hauek jendartearengan, baina ikusi ahal izan dut Laporte ez dela deslegitimaziotik salbu geratu. Kontrara, egunkari eta hedabide nagusietan, lerroak gastatu dituzte bere argudioak ezeztatzeko. Lerroburu batean, hain zuzen ere, “Laporteren adierazpen negazionistak” edo horrelako zerbait izendatzen zuten, nahiz eta honek datu eta adibide zehatzak ematen zituen, ez soilik txertoen afera anitzen inguruan, baizik eta farmazeutikoen prozeduretaz eta abar. Baina askoz haratago doa bere salaketa eta are sakonagoa da egiten duen hausnarketa.

Hala ere txertaketara itzulita, Laporte irakasleak, Kongresuan azaldu izan zuena, eragile ezberdinak orain arte kaleetan aldarrikatu eta adierazten saiatu izan dira. Ikusi ahal izan ez duzuenentzat, laburbilduko dizkiuet niretzat garrantzitsuenak diren ideiak.

Hasteko, berak ez ditu txerto gisa hartzen ARNren teknologia berria barneratzen dituzten injekzio hauek. Jarraian, azaltzen du teknologia hau modu terapeutikoan eta masiboki erabili izan den aldi bakarra dela eta beraz berak horrela kalifikatzen du: “Gizakien Historian aurrekaririk izan ez duen esperimentu globala”. Gainera kolokan jartzen ditu farmako hauek garatu dituzten laborategiek egindako entsegu klinikoak eta beronek, gaur egun, hain denbora gutxi pasata, duten balioa ondorio irmoak ateratzeko. Bere iritziz, praktikak frogatu du medikamendu hauek gaixotasuna ekiditzeko, ez transmititzeko eta aldaera ezberdinei aurre egiteko gaitasunik ez dutela. Hau dela eta, argi eta garbi aldarrikatu zuen deituriko Covid pasaporteak ez duela oinarri zientifikorik eta haratago joan zen, aipatzen, mekanismo honek sortutako segurtasun faltsuaren sentsazioak kutsadura gehiago erakarri ahal izan zuela. Lotzen zuen 2020aren lehenengo hilabeteetan egondako heriotza tasa altua zahar-egoitzetan, batez ere, pribatuetan, egoiliarrek jasotako tratuarekin eta batez ere gain-medikazioarekin.

Bere erantzuteko txandaren beste idei bat azpimarratu nahi dut. Hainbeste familiak kezkatzen dituen ume eta nerabeen txertaketari buruz berba egin zuen. Adin tarte hauetan, txerto hauen eragina eta sortzen dituzten ondorioak aztertzerako orduan, hauengan osasun politika hauek sustatzea ea onuragarria denaren galdera zabaldu zuen.

Hala ere, bigarren parte honetan, diskurtsoa lausotu zuen eta ez zuen guztiz kontra egin txertaketa planen aurrean; are gehiago, agian txerto bat edo bi hartzearen aldekoa zela baieztatu zuen.

Egun hauetan, Euskal Herrian, osasungintza publikoaren defentsan mobilizazio ezberdinetarako deialdiak izan dira. Baina eztabaida politikotik at geratzen da osasun sistema publikoa ze parametroen arabera eraiki nahi dugun. Behar ditugu osasun langile, anbulategi, errekurtso gehiago zalantzarik gabe, baina ere, kapitalaren atzaparretatik eta hau islatzen duten farmazeutikoetatik kanpo eraikitzen den eredu herrikoia eta demokratikoa, farmakoetaz gain, beste jakintza eta beste ikuspuntua barneratuko duena.

Gure osasuna jokoan dago  Gure osasuna jokoan dago  Gure osasuna jokoan dago

2 pentsamendu “Gure osasuna jokoan dago”-ri buruz

  • Egun on Itxaso,

    Ni ere gauza askok harritzen naute, eta garai arraro hauetan gehien harritzen nauena informazioaren “nitxo”ak edo dira. Hau da, nahi dudana hartu, eta gustoko ez dudana alboratu, ezikusiarena egin.

    Ariketa sinple bat. Zenbat zientifikoren izenak esateko gai zara? Zenbat dira hauetatik, teoria negazionista, antitxerto edo antzerakoak defenditzen dituztenak? Errealitatean, porportzioa oso da aldekoa zientzialariek egiten dituzten txosten, artikulu, solasaldien aldekoa, baino ezagunak, Whatsappera… iristen zaizkigunak “kasualitatez” besteak izan ohi dira.

    Laporte honen aditu maila ez dut nik zalantzan jarriko. Ez nuen ezagutzen orain arte, pentsatzen dut gainontzeko pertsonen %99,9ak bezela. Zalantzen jarriko dut ordea esan zituenak. Eta aditu askok, zehatz meatz desegin dituzte bere argudioak.

    Hasteko, zientziaz ari bagara, metodo zientifikoa jarraitu beharko dugu. Metodologia zehaztu, datuak bildu, hausnartu, ondorioak atera, konpartitu, besteek konprobatu ahal duten moduan argitaratu… Hori egiten dute zientzialariek, gainontzekoek sasizientzia. Hauek, zientzian sor litezkeen (eta sortzen diren), akats, duda, ezjakintasunak azkar asko harrapatzen dituzte beraien teoriak sendotzeko baino ezikusiarena egiten dute, arazo hauei “soluzio” edo jatorria zehazten dutenean.

    Laporte entseguetako datuei begira darrai, 43.000 pertsonen inguruko datuengan, esateko ez dituela hilgarritasuna jeisten duela frogatu. Ahaztu egiten ditu azken urtean munduan milioika dosiren emaitzak.

    Txertoak direla ukatzeak… en fin, bere maila erakusten du. ARN txertoak ez dira teknologia berria. Gizakietan lehen aldiz erabili direla bai, baino ez da azken momentuan korrika eta presaka egindako zerbait. Beste txerto mota ezberdinak ere noizbait txertatu ziren lehen aldiz.

    Esperimentalak direla esateak… ba zer nahi duzu esatea. Edozein produktu berri asmatzen dutenean esperimentatzen dira esperimentazio fase batean, eta emaitza onak badira, gizartera zabaltzen dira. Eta txerto hauek, fase guztiak bete dituzte, beste edozein medikamentuk bezela, nahiz eta kontrakoa sinistarazten saiatu.

    Covid pasea ez da izan oinarri zientifikoetan oinarritutako neurri bat. Kutsatzea ekiditen ez duen unetik… epidemiologikoki zentzu gutxi duela esan izan dute zientzialariek.

    Eta 2020ko zahar etxeetako heriotzak Covidarengatik desberdintzeko saiakera hori… en fin. Errealitatea ikusi nahi ez duenak ez dezala ikusi, baino ez gaitzala besteok itsutu.

    Hala ere, ados nago farmazeutiken inguruko mesfidantzan. Baita ni ere. Horregatik diot farmazeutika publikoak exigitu behar ditugula. Diru asko irabazi duela Pfizerrek? Noski, baita ibuprofenoak erosten dizkiogunean ere. Horregatik behar ditugu publikoak.

    Eta interesei buruz arituta… Bizitza hasia da iada beraien mediku konfidantzazkoen sarea sortzen (sasizientzian oinarritutakoak). MMS, CDS… hau da lejia kontsumitzea ere bultzatu da, lejia pote disoluzio bat (250ml), 25€ inguru (+ garraio kostuak). A ze txolloa! Eta baita beste sasi tratamentu ezberdinak ere, merke merke.

  • Itxaso: zoaz Putini agur egitera ..