Ezabatu zure arrastoa internetetik

Ezabatu zure arrastoa internetetik –

Interneten, onera eta txarrerako, dena gordeta gelditzen da; geure bizitzan zehar utzitako oinatzak begi bistan daude edonorentzat, eta horrek maiz bizitza bera baldintzatzen digu. Saretik norberaren arrastoa ezkutatzea eskubide bat da, egun bermatua ez dena. Zaila da egikaritzea baina ez erabat ezinezkoa, pauso batzuk jarraituz gero.

Ezabatu zure arrastoa internetetik

Ezkutatzeko hiru web

Helburu bera daukaten hiru webgune dira: Account KillerDelete Your Account eta Just Delete Me. Sarean zehar zabaldu ditugun kontuak aurkitzen laguntzen digu, eta hauek ezabatzen. Bertan orrialdeak ezabatzeko sortu diren plataformetara jotzeko ehunka lotura topa daitezke. Honakoak dira internetetik desagertzeko jarraitu beharreko hiru urrats nagusiak:

1.- Kontuak ezabatu

Sare sozial batzuetan gehienok erregistratu gara noiz edo noiz, eta jarraian bertatik gure presentzia ezabatzeko egin beharrekoa azaltzen da:

  • Facebook: goraldean, eskubian, menua izan hoi da, eta bertan “Konfigurazioa” sakatu behar dugu. Bertan “orokorra” izeneko atalarekin egingo dugu topo, eta amaieran “kontua desaktibatu” aukera ikusiko dugu.

Informazio gehiago hemen: nola ezabatu zure Facebookeko kontua?

  • Twitter: profilean, “ezarpenak eta pribatutasuna” atalean ikusi ahalko dugu “desaktibatu kontua”.

Informazio gehiago hemen: nola ezabatu zure Twitter kontua?

  • LinkedIn: “ezarpenak eta pribatutasuna” atalera jo eta bertan kontua ixteko aukera topatuko dugu. Prozesuak aukera desberdinak eskaintzen ditu.
  • Google eta beste zerbitzuak: “Nire kontua” atalean, “kontuaren hobespenak” aukeraren barruan ikusiko dugu “ezabatu kontua edo zerbitzuak”.

2.- Gure burua bilatzaileetan topatu

Google, Yahoo, Bing, Yandex edota DuckDuckGo bezalako bilatzaileetan geure burua topatu behar dugu, izen, abizen, baita ezizen ere. Ahaztuta geneuzkan kontuak topatuko ditugu, seguraski. Pasahitza izanez gero ongi; bestela, aukera daukagu ahanztura eskubidea edota datu ezabatze bat eskatzeko.

Kontuak beharrean zurekin zerikusirik ez daukaten webguneetan agertzen den edukia bada ezbaatu nahi duzuna, arduradunekin jar zaitezke kontaktuan. Zorterik ez baduzu, jakin Europar Batasunako herritarra izateak ahanztura eskubidea ematen dizula. Formulario honen bitartez indexatzaile batzuekin jar gaitezke kontaktuan, eta hauek informazioa ezabatu.

3.- Ezabatu ezin diren kontuetan izena aldatu

Kontu edota profil batzuk ezabatzea ezinezko lana bada, aldatu datuak eta ezabatu, ahal den neurrian, bertan agertzen den informazioa. Kontuak “pribatu” gisa agertzeko aukera ematen badizu aprobetxatu.

Ezinezkoa izango da, ziur, arrastoa %100ean ezabatzea; baina bai, bederen, neurri handi batean.

Ezabatu zure arrastoa internetetik