Asteburu honetan: Entsalada epela, patata, arrautza eta antxoilekin

Asteburu honetan: Entsalada epela, patata, arrautza eta antxoilekin

Asteburu honetarako errezeta bat, eta ere aprosa... On egin!

Entsalada epela, patata, arrautza eta antxoilekin

Entsalada epela, patata, arrautza eta antxoilekin

Asteburu honetan: Entsalada epela, patata, arrautza eta antxoilekin

Plater hau “etxean ezer ez dagoen” egun horietan egitekoa da, batez ere. Ulertzen diguzu, ez da?

 

Osagaiak:

  • Zortzi patata ertain (bina lagun bakoitzeko)
  • Lau arrautza (bana lagun bakoitzeko)
  • Antxoila poto bat, antxoilak erditik moztuta
  • Pare bat tipulina edo tipula fresko handi bat, zerrenda finetan moztuta (juliana)
  • Maionesa basokada bat (edo, ez baduzu egin nahi, edo hozkailuan ez badago, edo beganoa bazara, ozpinolioa)
  • Gatza

 

Errezeta:

  1. Patatak ordu erdi batez egosten jarri. Zuritu gabe egitea komeni da, zarta ez daitezen, baina bizimodua erraztuko dizugu hatz puntak erre ez ditzazun gero zuritzerakoan: zurituta jarri, baina eginda daudenean, ur guztia kendu eltzetik eta minutu batean utzi eltzean bertan egiten urik gabe. Patatak bere baitara bilduko dira, ura galduz.
  2. Arrautzak ere egosi patatekin azken zazpi minutuetan, gehiegi ere egos ez dadin
  3. Maionesa bat egin edo, gogorik ez baduzu, hozkailukoa hartu, baina beti hobea zeuk egindakoa. Eta ez bazaizu maionesa gustatzen edo beganoa bazara, oilozpina egin (ozpineko bat, olioko bost) eta,  baldin baduzu, Dijongo ziape koilarakadatxo bat ere nahastu.
  4. Azpil edo ontzi eder batean, patatak zatituta jarri, baratxuri ale baten tamainan edo, arrautza ere zabarki ebakita jarri gainean eta antxoilak olio eta guzti nahasi guztiari, baina patata apurtu gabe. (Begetarianoek antxoilarik gabe, jakina. Alkaparrak eta olibak jar daitezke ordetan ).
  5. Entsalada bat arinki olioztatzean bezala, egin gatza, ozpina eta olio parrastada bat eta dena nahasi. (Hartu kontutan, gero maionesa gehitu dakiokeela)
  6. Tipula gainetik egin edo ondoan jarrita zerbitzatu, agian baten batek ez du eta haren gordintasuna maiteko. Guk bai, arraioa!
  7. Maionesa ere alboan jarrita zerbitzatu, norberak bere tamainan gehi diezaion.

 

Kasu!

Errezeta honen sekretua epel jatea da, nahiz eta hotz ere bikaina den.

Asteburu honetan: Entsalada epela, patata, arrautza eta antxoilekin

Errezeta gehiago…

Asteburu honetan: Bakailao eta piper erre entsalada

Asteburu honetan: Entsalada epela, patata, arrautza eta antxoilekin
arrautza, Entsalada, epela, patata
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Zer duzu buruan “Asteburu honetan: Entsalada epela, patata, arrautza eta antxoilekin”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude