Asteburu honetan: Patata tortilla

Patata tortilla –

Pagotxa RZk - Patata tortilla

Asteburu honetarako sukaldearen funtsa litzatekeena dakarkizugu, RZ primarioa edo lehen RZ! Sukaldean eta geure bizitzetan oinarrizko den patata tortilla RZ, ondo egina eta sukaldeko teknikak ikasteko egiten ari garen bidean geldialdi gurtu bat eginaz. Noiznahi jateko moduko RZ, parranda osterako primerakoa betidanik geuretzat behintzat, prestatzeko azkar eta benetan erraza. Gozatu eta on egin!  🙂

Patata tortilla

Patata tortilla

Osagaiak:

  • 2 dl oliba olio
  • 200 g tipulin, pikatua
  • 100 g piper berde, pikatua
  • baratxuri ale bat, pikatua
  • 800 g patata, zurituak eta dadotan moztuak
  • 8/9 arrautza fresko
  • Gatza

Patata tortill a

Errezeta

  1. Padera zabal batean olioa isuri eta gero, bizi-bizi piztuko dugu sua. Olioa ongi berotu dela sumatu orduko, tipulin pikatua, piperra, baratxuria eta patata irauliko ditugu, eta bizkor irauliko dugu guztia bitsadera batez, gaiak egokiro nahas daitezen. Garrantzitsua da oso patatei sutara baino lehen gatzik ez ematea. Horrela lortuko dugu pure ez bihurtzea. Hobe dugu arrautza joa gerokoan gazitzen badugu, askoz hobeago aterako zaigu tortilla horrela jokatuta. Su ertainean jarriko dugu ondoren padera eta 30 minutuan edukiko dugu dena berotzen, barazkiei eraginez egiten ari direla sumatu orduko.
  2. Tarte horren ondoan xukatuko dugu olioa, padera iragazki baterantz makurturik edo, bitsadera batez, barazkiak paderatik atereaz. Erreserban utziko dugu tortilla mamitzeko erabiliko dugun olio partea eta paper xurgatzaile batez garbituko dugu padera, geroago erabiltzeko.
  3. Ontzi batean hautsi eta joko ditugu arrautzak, gatza oparo emanez. Barazki xukatuak erantsiko dizkiegu arrautzei. Su bizian jarriko dugu berriro padera eta olio tanta batzuk isuriko ditugu hartan, erreserban utzitakotik hartuta. Arrautza-salda isuriko dugu ondoren, azal kurruskari bat eragiteko moduan, eta zirkulutan eragingo diogu paderari hondoa itsats ez dakion. 30 bat segundo igaro ondoan, irauli egingo dugu tortilla beste plater baten laguntzaz eta mamitzen utziko dugu beste aldetik, padera, olio tanta batzuk gehiago isuri ondoan, ongi berotu eta gero.
  4. Azkenik, plater batean ipini eta entsalada berde batekin zerbitzatuko dugu tortilla.

.

Kasu!

Patatak non eta nola gorde.

Patata tortilla

Errezeta gehiago …

Asteburu honetan: Patatak saltsa berdetan

Asteburu honetan: Entsalada errusiarra

Merkatua
Asteburu honetan :  Patata tortilla  Patata tortilla

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!