Asteburu honetan: Oilaskoa saltsan patatekin

Oilaskoa saltsan patatekin –

Pagotxa RZk - Oilaskoa saltsan patatekin

Asteburu honetarako beste oilasko RZ basiko xamar bat dakarkizugu, erraza, parranda osterako edo ama eta izeba datozenerako. Durangoko Azokan duela urte asko antzeko RZ honekin eltzekada goxo hura egin genuenekoa datorkit gogora eta… Gozatu eta on egin!  🙂

Oilaskoa saltsan patatekin

Oilaskoa saltsan patatekin

Osagaiak

  • 1 kg oilasko behintzat, erdi tamainako pusketan zatitua
  • 2 piper txorizero (aurrez ur epeletan beratuak, ordu pare batean?)
  • 3 baratxuri ale, pikatuak
  • 2 tipulin handi, pikatuak
  • 10 koilarakada tomate saltsa
  • 5 patata eder, pobreen moduan puskatuak
  • Oliba olio pixar bat
  • Gatza

Oilaskoa saltsan patatekin

Errezeta

  1. Oliba olio pixar bat kazola zabal batean isuri, eta gorritzen ipiniko ditugu oilasko puskak, gatza eman ondoan. Utzi egingo diegu alde guztietatik gorri daitezen arte. Horren ostean, gorde egingo ditugu plater batean.
  2. Kazola berean, koipe gehiegi bildu bada pixar bat kendu ondoren, erantsiko ditugu tipulina eta baratxuriak. Gatz pittin bat eman eta buelta batzuk emango dizkiogu, 15 bat minutuan, su eztian.
  3. Orduan erantsiko dugu oilaskoa, aurrez gorritua, atera duen zukuarekin. Berriro ere buelta batzuk eman eta erantsi egingo ditugu tomate saltsa, piper txorizeroen mamia eta piperrak beratzen edukitako salda.
  4. Horren ostean, kazola estali eta egiten utziko dugu guztia oso su eztian, 45 minutuan gutxienez. Lehortzen ari dela ikusten badugu, erantsiko dugu piper txorizeroak beratzen edukitako salda gehiago, gisatua xamur geratu dela ikusi arte. Gisatua erabat egin baino 20 minutu lehenago erantsiko ditugu patata zatituak eta gatz apur bat.

…

Kasu!

Azken minutuak oso su eztian egiten utziko dugu guztia, patatak osorik gera daitezen, lehertu gabe. Patata puskaren bat desegin egingo da ezinbestean, eta orduan are lodiago geratuko da saltsa, halaxe behar baitu. Oilaskoak heze gelditu behar du eta saltsak busti egin behar ditu puskak. Azkenean gatz pixka bat hautseztatuko dugu gainetik, gutxi duela ikusten badugu.

…

Akaso!

7 oilasko RZ erraz azkar…

Oilaskoa saltsan patatekin

Errezeta gehiago …

Asteburu honetan: Oilasko kroketak

Asteburu honetan: Oilasko errea

Geuria Merkatua
Asteburu honetan: Oilaskoa saltsan patatekin
Pagotxa RZk

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude