Asteburu honetan: Almandrongilak edo albondigak tomate saltsan

Asteburu honetan: Almandrongilak edo albondigak tomate saltsan –

Pagotxa RZk - Almandrongilak edo albondigak tomate saltsan

Asteburu honetarako eta urtarrilerarte deskantsua hartuz, oporretara baigoaz urrutiko amama ta aitonaren etxera arkumea jatera, beste RZ basiko xamar bat dakarkizugu, erraza, parranda osterako, ama eta izeba datozenerako edo noiznahi jateko modukoa. Almandrongila hitzaren fan sutsuak garela esam behar dugu, badu zerbait ezta? Albondiga, Meatball, Boulette edo Haragi-bola. Jakiaren fanak ere bagara. Bokatan ere primerako gozatua da! Horixe, etorriko gara bueltan urte berriarekin, RZ sofistikatuagoekin agian? Hasia zara ta gauza ondo eginen zaporea gozatzen… Bai, badakigu. Segi gozatzen, gozatu egun hauek eta on egin!  🙂

Almandrongilak edo albondigak tomate saltsan

Asteburu honetan: Almandrongilak edo albondigak tomate saltsan

Osagaiak

  • Behi-haragi xehatua, 750 g (txahala edo txerria ere izan liteke, edo biak nahasian)
  • Baratxuri eta perrexil xehatua, pixka bat
  • Ogi arraspatua, 2 koilarakada
  • Zorroko tipula zopa, zorro erdia
  • 2 baso ur
  • Baso bete tomate saltsa
  • 3 patata
  • Gatza

Asteburu honetan: Almandrongilak edo albondigak tomate saltsanErrezeta

  1. Haragi pikatuari baratxuria, perrexila eta ogi arraspatua eman, baita gatza ere, eta behar den bezala oratu. Bolak egin, irinaz baliatuz, golfeko piloten tamainakoak.
  2. Oliotan frijituko ditugu, juxtu-juxtu axaletik egin daitezen. Frijitu eta gero, kazola batean uzten joango gara.
  3. Albondigak frijitu ditugun zartagin berean, olio gehiegi gelditu bada, pixka bat kendu, gelditzen den olioak doi-doi estal dezala zartaginaren hondoa, eta olio horretan tipula zoparen hautsak frijituko ditugu, su motelean.
  4. Txigortu baino lehenago, ura eta tomate saltsa gehitu eta egos dadila 5 minutuz. Gatza eman, beharrezkoa bada. Saltsa albondigak dauden kazolara isuri eta beste 15 minutuz eduki sutan, erabat egiteko. (Ikusten badugu lehor gelditzen direla albondigak ur gehixeago bota).
  5. Patata dado batzuk frijitu eta zerbitzatu baino lehen albondigetara bildu.

Kasu!

Albondigak egiteko nahasturari, egostean goxoago gera daitezen, esnetan blaitu eta gero pixka bat xukatutako ogi mamia eransteko aukera dugu, edo, agian hobe, txerri hanka egosi batzuk, hezurgabetuak eta txiki-txiki eginak. Haragi gordinarekin nahasi eta prozesua berdin egin. Olioari tipula xehatu bat ere gehitu diezaiokegu, su eztian frijitu eta bertara zorroko zopa hautsak bota. Emaitza honela ere on-ona izango da, baina neketsuagoa da lana. Bokatan ere primerakoa da!

Almandrongilak edo albondigak tomate saltsan

Akaso!

Uxue, Garazi, Maddi eta Natalek egindako albondigak aurkitu ditugu sarean GAZI GOZO

Erotu egin gara eta pastaz betetako albondigatzarraren RZ akaso!!!

Almandrongilak edo albondigak tomate saltsan

Errezeta gehiago …

Asteburu honetan: Oilasko errea

Asteburu honetan: Kukulu entsalada antxoa eta oilaskoarekin

Geuria Merkatua
Asteburu honetan: Almandrongilak edo albondigak tomate saltsan

Amatxoren altzoa utzi duzu eta abandonaturik sentitzen zara. Lasai, ez izutu, sukalde zintzo eta garbia, zopa eder bat, entsalada bikain bat, esneki goxo bat… horrelako gauza xume bezain zailak aurkituko dituzu PAGOTXA RZtegian. Etxean egiteko aproposak denak!