[Urpeko Bonbarda #051] Gabonak

[Urpeko Bonbarda #051] Gabonak –

Urpeko Bonbarda Zuzeu Podcastek ekoiztutako musika saioa da, Anartz Bilbao gidari duena. Berrogeita hamaikagarren saioan, Eguberriak izango ditugu ardatz, baina ez derrigorrez Gabon kantuak.

Berrogeita hamaikagarren saio honetan, Gabonak aipagai dituzten kantuak eta Gabonetarako sortuak, Eguberrietako giroari gorazarre edo salaketa egiten diotenak entzungo ditugu.

[Urpeko Bonbarda #051] GabonakGabonak ez, neguaren etorrera ospatzen duen Jehtro Tull talde itzaltsuaren “Ring Out Solstice Bell” entzun dugu aurrena. Aspaldiko kantuekin jarraituta, Gabonetako klasiko bat ere ekarri dugu saiora, The Pogues taldearen “Fairytale of New York”, Shane MacGowan eta Kirsty MacColl-ek bikotean kantatua.

Gabonekin zerikusirik ez duten arren, Darren Haymanek gidatu zuen Hefner eta Hoodoo Gurus australiarren kantu bana ere ekarri dugu, zer eta Eguberriak aipatzen dituztelako hitzetan.

“Jingle Bells”, eguberrietako kanturik ezagunetako bat frantsesez gaurkotua ekarri dugu, Florent Marchet kantariaren ahotsean; eta Quimi Portet katalanak bere modura opatu dizkigu Gabon Zoriontsuak eta Urte Berri Ona, “Bon nadal” kantuan. Sufjan Stevens estatubatuarrak inoizko Eguberririk eskasenei kantatu die; eta Lady Gaga bakarlariak, bere aldetik, gabon kantu ezagun batzuen txatalekin Gabonetako Zuhaitzari dance-pop kantua idatzi. Ikuspegi kritikoagoarekin datoz Lou Reed eta, batez ere, Protestango rap kantari argentinarra, “Falsa Navidad” kantuarekin.

Bukatzeko, etxeko zenbait lagun. Xabi Aburruzaga trikitilariak Kalamuako frentean Eguberrietan izandako su-etena ekarri digu gogora Kirmen Uriberen hitzak dituen “36ko Gabonak” kantuan; Tapia eta Leturia bikoteak Gabon gaua du aipagai “Hau da gauaren zoragarria” abestian; Piztiak ondarrutarrek urte aldaketa -Gabonzarretako kanti-; eta bukatzeko, Igelaren Banda taldearen “Ur Berri Urte Berri” (Elkar, 2018) gozagarriak urte berria, Maite Larburu hernaniarrarekin emandako “Hela, Hela!” kantuan entzungo dugunez.

.[Urpeko Bonbarda #006] Berria, zaharra eta mailegatua I (Arima Soul)

ZUZEU PODCAST

(((podcast.eus)))

Zeure hizkuntzan mintzo diren istorioak…

Harpidetu Patreon-en eta babestu gure proiektua!
www.patreon.com/zuzeupod

Gure proiektua zu gabe ez litzateke deus

Spotify    Apple Podcast    Stitcher    Google Podcast    Ivoox 

[Urpeko Bonbarda #051] Gabonak

Euskal podcast katea. Zure hizkuntzan mintzo diren istorioak. Entzun!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude