[Urpeko Bonbarda #064] Beste bira bat

[Urpeko Bonbarda #64] Beste bira bat –

Urpeko Bonbarda Zuzeu Podcastek ekoiztutako musika saioa da, Anartz Bilbao gidari duena. 64. saioan, munduari buelta berri bat eman diogu, urtaro bakoitzeko egin ohi dugunez, 2021 hondarreko eta 2022 hasierako herri musika diskorik bikainenetako batzuekin.

Hirurogeita laugarren saioan, eta tarteka egin ohi dugunez, hara eta hona ibili gara herri musikak lagun. Munduari bira soniko berri bat eman diogu, akaso batzuentzako entzuten gogor samarra bezain aberasgarria izan daitekeen saioan.

[Urpeko Bonbarda #64] Beste bira batDavid Krakauer klarinete jolearen klezmer musikarekin hasi dugu bidaia, eta Afrikan izan gara gero. Mbalax musika jorratzen duen Omar Pene kantariarekin Senegalen, eta aspaldiko erritmoak berreskuratzen Ghanan, 70 eta 80ko hamarkadetan funk musika plazaratu baitzuen bertan Essiebons zigiluak; Ernest Honny musikariarena, berbarako.

Kontinente batetik besterako bidean, bi euskal talde ere entzun ditugu: bigarren lan luzea aurkeztu berri duen Baizera! nafarrak, batetik; eta Aita Mari erreskate ontziaren alde kantatu duen Korrontzi bizkaitar taldea, bestetik.

Ahotsari presentzia berezia emanez heldu zaigu Puuluup bikote estoniarra; baita jatorriz Iranen jaioa den Mamak Khadem ere. Eta ekialdeko aireak ekarri dizkigute Anatoliako doinuen maitale Rusan Filiztek saz jole kurduarrak zein tsugaru shamisen, hiru sokako folk musika tresna japoniarra jotzea ezaugarri duen Mitsune hirukoteak ere.

Bukatzeko, eskarmentu handiko bi emakumerengana jo dugu behin itsasoa gurutzatu eta Amerikara helduta. Brasilen Juçara Marçal entzun dugu kantuan; eta Perun, sasoi betean den Susana Baca erraldoia. Ibilia Small Island Big Song egitasmoak eman digu, Indiko eta Pazifikoko irletako musikak ezagutzera ematen diharduenak.

Gaur entzun ditugun lanetako asko Transglobal World Music Chart zerrendari esker ezagutu ditugu.

.[Urpeko Bonbarda #006] Berria, zaharra eta mailegatua I (Arima Soul)

ZUZEU PODCAST

(((podcast.eus)))

Zeure hizkuntzan mintzo diren istorioak…

Harpidetu Patreon-en eta babestu gure proiektua!
www.patreon.com/zuzeupod

Gure proiektua zu gabe ez litzateke deus

Spotify     Apple Podcast    Stitcher    Google Podcast      Ivoox

[Urpeko Bonbarda #64] Beste bira bat

Euskal podcast katea. Zure hizkuntzan mintzo diren istorioak. Entzun!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude