“Zu, homosexual madarikatu hori!”

silas malafaia

Ekainaren 12ko Brazilgo maiteminduen egunerako O Boticário kosmetiko markak egindako iragarkiak piztu du sua. Iragarkiaren aurkako eta aldeko kanpainak sortu dira sarean, milaka mezu hedatu sare sozialetan eta aldeko eta aurkakoak sututa dabiltza Youtuben atzamarra gora, atzamarra behera klik eginaz. Gaur gaurkoz 362.000 datsegit jaso ditu eta 186.000 desatsegit. Eta dena, “homosexualitatea sustatzen” omen duen laburra delako O Boticário markaren azken promozio bideoa. Halaxe esan du Silas Malafaia apaiz homofoboak bere Youtubeko kontuan argitaratu bakarrizketa profetikoan, jainkoak anpara gaitzala. Ikusi lehenik iragarkia, ea zer iruditzen zaizun.

O Boticário markaren iragarkia:



Silas Malafaia apaiz pentekostalista da, Brazilen ikaragarri hazten ari den mugimendu protestante fundamentalistako kide eta hizlari aparta. Jende andanari burua ondo berotzeraino. Tipo honek homosexualismoa “pedofiliaren pareko bizioa” dela dio besteak beste. Bideoan halaxe dio: “Gizona eta emakumea eta euren sendia defendatzeko eskubidea dut, gizateriaren historia horixe baita”. Apaizak O Boticário markari boikota egiteko deia egin du 450.000 aldiz ikusi den bideo honetan. Zuek juzkatu…

“Silas Malafaiaren erantzuna”


Eta ez da bakarra…

Gaitz erdia litzateke, zoro bakar bat balitz… baina ez da hala. Silas Malafaiak geroz eta jarraitzaile gehiago du eta Eduardo Cunha, Brazilgo Diputatuen Ganberako presidentea da horietako bat. Diputatu kontserbadoreak sexu bereko pertsonen arteko ezkontza gauza anormala zela esan zuen.

Euskal Herrian zorionez ez dugu tamaina honetako homofobiarik, ez eta halako eztabaida zentzugaberik ere sarean. Munillak zorionez, ez du Silas Malafaiaren karisma hamarrena ere. Eta alderdi kontserbadoreenetako politikariak libre adierazten dute beren maitasuna. Maroto ezkondu bere bikotearekin ezkonduko da. Zorionekoak gu.

14 pentsamendu ““Zu, homosexual madarikatu hori!””-ri buruz

  • Orain derrigorrezkoa da homosexualitatea bere osotasun guztian goraipatzea edo aldarrikatzea ala zer? Ze totalitarismo kulturala da hau? Konturatu behar gara behingoz gauza batetaz, gure burbuja kosmopolitatik kanpo (mendebaldeko aberri kapitalistena) mundu osoak ez duela begi onekin ikusten erlazio homosexualak, eta hemen ere bakarrik hamarkada batzuk pasa direla horixe ere pentsatzen genuenetik.

    Bestalde, iragarkia burutu duen enpresak heroi bat izango balitz bezala gelditzen ari da askorentzat, eta hori FALTSUA da. Enpresa horren nahi bakarra homosexualak ere haien merkatuan barneratzea izan da, haien irabazketak handitzeko. Haiei bost axola homosexualen eskubideak, polemika pizteko pentsatu dute iragarkia eta haien ipurdiak diruz betetzeko asmoarekin, besterik ez.

    Izan ere, kapitalismo zorrotz baten menpean dauden herri guztietan gertatu da hori, printzipio moral historikoak sakrifikatu egin dira bizpaitu merkatari boteretsu batzuen interesen alde egin du gizarteak, une hartaraino mantendu zen ordena goitik behera aldatuz.

    Nik homosexualak errespetatzen dut (hasiera batean, erasotzen ez badizute, pertsona guztiak errespetatu behar direlako). Baina gauza bat hori da eta beste gauza bat da halako erlazio bat normaltzat izatea eta etengabe txalotzea zombiak izango bagina bezala.

    Zentzu horretan, bideoan agertzen den apaizaren bakarrizketa oso egokia iruditu zait. Baina badakigu nola den totalitarismo kulturala, entzun baino lehenako disidentzia sutara botatzen duenak.

    Lehen Jainkoan kaka egiten bezenuen erretzen zintuzten eta gaur ordea sodomiaren aldekoa ez bazara berdin egiten dizute (bidenabarrez, OMS erakundeak 70.ko hamarkadaraino homosexualitatea gaixotasun bat bezala jo zuen).

    Lehengo Inkisizio erlijiosoa gaurko Inkisizio progrean bilakatu da.

    • amonamantangorri 2015-06-09 23:12

      Zoragarria. Marikoiak errespetatzen ditut, baina ez daitezela niri fitxak sartzen hasi, bestela…

      • Horixe da! Begira, orain direla aste batzuk kolektibo feminista baten folleto bat eskuratu izan nuen eta bertan halako zerbait esaten zen: “Emakume! Jaietan txapa ematen badizute, autodefentsa!”.

        Oso ongi. Baina nire galdera hau da: bakarrik feministek denfendatu ditzakete haien buruak ala nik marikoi bat (ez dut hartzen iraintzat, beraien artean adierazpen haiek erabiltzen baitdituztela eta) fitxak sartzen badizkit ipurdia jarri beharko diot progresista eta super mega guay modernoa izateko?

        Bidenabarrez, harrituko zaituen zerbait esango dizut, nire hoberenetariko lagunen bat homosexuala izan zen, eta errespetuz jokatu genuen bi alderdiak. Nire iritziarekin ez zegoen ados baina zuk baino gehiago errespetatzen zuen nire pentsaera.

        Beraz, marikoiak baino marikoiagoak bueltatu zarete heterosexual batzuk lehen munduko burbujan larroxan. jajajaja

  • Malafaia ~ Malafoiá. Antzekotasunak zerbait esaten dit…

  • xodopetakaa 2015-06-09 22:04

    ToToy,
    arazo bat duzu. Zure lehen parrafoa ikaragarria da. Eta azala duzu totalitarismoz hitz egiteko.

    • Ikaratzeaz aparte agian zerbait arrazoitzea ondo etorriko zizun, batez ere pixka bat pentsatzen hasteko. Ala gezurra ote da akaso anglo-sionismo esferatik kanpo dauden herrialde guztietan (hau da, munduko %90-an) homosexualitatea eta halakoak ez daudela ondo ikusitak? Hori da ikaratu zaituena? Ba asko bidaiatu ez duzula iruditzen zait.

      Beste galdera bat daukat zuretzat. Homosexualen aldekoa izanez, suposatzen dut koherentzia erakutsiko duzula eta ez duzula aldarrikatuko moro edo pantxito homofoboen etorrera ezta? Ala Ezker Abertzalea bezala zara?

      • xodopetakaa 2015-06-11 15:54

        Ez, ez da gezurra munduan leku askotan homosexualak ez daudela ondo ikusiak. Ez hori bakarrik, hil ere egiten dituzte. Ez da askorik bidaiatu behar hori jakiteko. Bortxatu dituzten emakumeak “adulterioagatik” lapidatzen dituzten lekuak ere badirela gezurra ez den bezala.

        Yasta, konstatatu dugu ez dela gezurra. Txalo. Eta horrek zer?
        Zuri ondo iruditzen zaizu homosexualak munduko leku askotan gaizki ikusiak izateak? Niri ez. Gauzak horrela jarrai dezan nahi duzu? Nik ez.
        Totalitarismo kulturala? Gizakiak arraza edo sexu arrazoiengatik baztertzen edo diskriminatzen dituzten “kulturak” (hangoak eta hemengoak) aldatzeko garaia badela uste izatea (eta ahal bada aldatzen laguntzea) totalitarismoa da. Giza legezko zerbait da, giza eskubideen oinarrizko printzipioa. Baldin eta eskubide horiek norberarekin bakarrik errespetatu behar direla uste ez badugu.

        Dena dela, ez dakit nola uztartzen den totalitarismo kulturalaz egiten duzun salaketa eta gero moroei buruzko peroratak. Hango jendearentzat nahi ez dudana ez dut nahi nire jendearentzat ere. Beraz, hona mororen bat etorriz gero (datorrela, nahi badu; eta doala nire semea kanpora, nahi badu) “totalitarismoz” ezarritako legedia ZORROTZ bete beharko luke. Ezin da inor diskriminatu, eta kito. Berdin moroa izan edo Abaltzisketako nire osaba artzaina izan.

        PD: Fitxekin oso kezkatuta ikusten zaitut. Antza, etengabe uzkia jarri beharreko atakan jartzen zaituzte homosexualek. Nik ez dakit zer den egoera hori. Batetik, ez naiz asko izan homosexualen “giroan”. Bestetik, batere enkantorik gabekoa naiz, eta norbait fitxak sartzen hasiko balitzait, egoa igoko lidake derrependean, seko arraroa baita inor niri fitxak sartzen ibiltzea. Gero, interesatzen ez zaidanez, esango nioke (gizon ala emakume izan) ez zaidala interesatzen eta aio. Hortik gorako insistentziak beste neurri batzuk eskatuko lituzke, noski (homosexuala izan edo heteroa izan). Baina tira, anekdotario honek gutxi du zerikusirik Silas horrek esaten dituen astakeriekin.

        • Baina zergatik hainbeste ekimenak nire burua aldatzeko? Zergatik ezin duzue bereganatu behingoz badagoela homosexualitatea atsegin ez duten sektore social nabarmen bat?

          Kulturak aldarazteko momentua iritsi dela diozu, baina gero seguru esango duzula kultura guztiak errespetatzen dituen tipo bat zarela.

          Beraz, kulturak kultura haiek diren bezala errespetatzen dituzu ala bakarrik zuk nahi dituzun aldaketak jasaten badituzte? Hantxe dago nik nion totalitarismoa! Ikusten al duzu orain?

          Ez zarete toleranteak, behintzat zuek toleratzen dituzuen gauzekin toleranteak ez direnekin, eta hori leporatzen dizuetean beti berdina erantzuten duzue “Solo soy intolerante contra el intolerante” eta ez zarete konturatzen, logika hori jarraituz, “intoleranteak” ere zure sinismenak zanpatu ahal ditzakela.

          Moroek berez homosexualitatea gorroto egiten dute, eta emakumeak haien menpean nahi dituzte. Moroen gehiengoa, duda barik, zuk ezarri dituzun arauak ez dituzte errespetatzen. Beraz, haien aurka zaude edo haien etorrera ondo ikusten duzu, beste progre-guay ezkertiar faltsuak bezala?

      • xodopetakaa 2015-06-11 16:00

        PD1: “totalitarismoa da.” esaten dut eta “totalitarismoa da?” esan nahi nuen.

        PD2: lehen ahaztu zait, “nik homosexualak errespetatzen ditut” esaten duzu. Uau. Bale. Txalo zuri ere, handia zara!!! Pena gero “baina” esatea. Beltzak errespetatzen ditut, baina… Emakumeak ez dira jo behar, baina…

  • Orain Brasil Brazil esan behar al da? Txoratuko gaituzue…

  • Kultura ez da hitz egokia kasu honetan, morala baizik, nahiz eta bi izendapenek jatorri berdina duten, hots, tradizioa.
    Morala da herri batek garatzen duen araudi espirituala, komunitatearen suntsipena ekiditeko. Beste hitzetan, printzipio moralak komunitate batek dituen barrerak dira, endekapenaren bidea ez hartzeko. Mendebalde liberalean tradizioaren eta erlijioaren konbentzioak suntsituak izan dira, eta orain gainbehera espiritual batean gaude murgildua. Hori oso nabarmena da gure aiton-amonekin alderaketa bat egiten badugu.

    Horrela, animaltasunetik urrunen dauden goi-tradizio historiko guztiek (judutatea, kristautasuna, islama, budismoa, hinduismoa…) errefusatu eta zigortu dute sodomia BETI. Jokabide berdina topa dezakegu izate-bide jentil europar garrantzitsuenetan: helenismoan, erromatarretan, druidismo zeltiarrean edo odinismo nordikoan. Zentzu honetan, seguraski gure arbaso baskoiek jarrera antzekoa izango zuten.

    Azken finean, erlijoa herriak berak garatu duen moral sistema bada, ikus dezakegu denek egiten dutela bat homosexualitatearen aferan, nahiz eta garai zein gune historiko urrunekoak izan. Horrek zer pentsatuarazi beharko luke, apaltasunetik pentsatu nahi bada. Izan ere, askok pentsatzen dute gizarte modernoa aurrekoak baino garatuagoa dela zentzu guztietan, batez ere kultural eta espiritualean. Nik diot ez dela horrela, hori ezjakinen uste bat dela- Gaurkotasuna alderatu beharko banu, inperio amaierako erroma degeneratuarekin alderatuko nuen, garai historiko loriatsuenekin baino.

    • amonamantangorri 2015-06-12 23:08

      “Jokabide berdina topa dezakegu izate-bide jentil europar garrantzitsuenetan: helenismoan, erromatarretan, druidismo zeltiarrean edo odinismo nordikoan”.

      Honako bi artikuluok, noski, diru juduz ordaindu eta lobby homosexualak engainatutako akademia txepelaren parametroetan kokatuko zenituzke zuk.

      https://en.m.wikipedia.org/wiki/Homosexuality_in_ancient_Rome
      https://en.m.wikipedia.org/wiki/Homosexuality_in_ancient_Greece

      • Zure arazoa, mantangorri, da sinistu nahi duzuna ezbairik gabe sinisten duzula. Jarri didazun lotura horretan esaten dute Platonek maitasun homosexualaren inguruan idatzi zuela. Ikus dezagun, bada, zer zioen:

        “Cuando el varón se une con la mujer para procrear, el placer experimentado se supone debido a la naturaleza [kata physin], pero es contrario a la naturaleza [para physin] cuando un varón se aparea con un varón, o una mujer con una mujer, y aquellos culpables de tales enormidades están impulsados por su esclavitud al placer. Todos censuramos a los cretenses por haber inventado el mito de Ganímedes. (636c).”

        Irakurri Marco Aurelioren “Meditaciones” edo Esquines-en “Contra Timarco”, Demostenes-en “Contra Androcio”, edo Jenofonte edo Maximo de Tiro, Espartako legeen inguruan.

        Horrez gain, badirudi ulermen arazo bat duzula, edo nahi dituzun irakurketak egiten dituzula nire testuetatik. Hori horrela, goazen gauzak argiago errepikatzera:

        Ez dut inon esan homosexualitatea existitzen ez zenik grezia edo erroman. Bazen, jakina. Esan dudana da gaizki ikusia zegoela moral tradizionalaren arabera, are gehiago, baziren jokabide homosexualentzat zigorrak kasu askotan, hala nola, erbestea edo heriotza. Mito modernoaren aurka, pederastia eta homosexualitatea ez zen onartua herritarrengandik, soilik klase boteretsuen artean onartu zen, dekadentzia garaietan betiere (Heliogábalo)

        Eta bai, helenismoaren ikuspegi horren mitoa homosexualek promozionatu zuten, beraien gustu eta interesen arabera: Walter Pater, Michel Foucault, John Boswell, John Winkler… guztiak, sodomitak. Egiaztatu zuk zeuk sinisten ez baduzu

        Eta goazen galdera berriro plazaratzera: Zer dela-eta goi-tradizio gehienek errefusatzen dute homosexualitatea?? Kalimotxo bat asmatzen duenarentzat

        • Oso ondo erantzun duzu. Izan ere, badago interneten homoxesualitateariko greziarren gainean kokatu den mitoa ezezten duen testu ulergarri eta informazioz beteriko bat.

          Ziur aski zuk iruzkinean jarri duzun informazio hori handik atera izan duzu. Zoritxarrez, ohikoa da oso Platon inoiz irakurri ez duten pertsonek beste batzuek Platonen ahoan jartzen dituzten esaldiak inongo irizpiderik gabe errepikatzea.