Txirigota bat erabakitzeko eskubidearen alde

Txirigota bat erabakitzeko eskubidearen alde
Inauteriak bizitzeko modu berezia du herri bakoitzak; Cadizen, txirigoten bitartez. Entzun dituzue inoiz?
.
Izatez inauteri giroko abesbatza ei da txirigota, eta kantatzen dituen koplatxoei ere -pasodoble, tango, runba, sevillana edo jota doinuak- horrela deitzen zaie. Gizartean puri-purian dauden gaiak hartzen dituzte ahotan, modu kritiko eta satirikoan beti ere, entzuleari barrea eragiteko asmoarekin.
.
Azpian duzuen txirigotarekin Los Cobardes taldeak saria eskuratu du aurten. Epaimahaiak, hitzak ez ezik, jantziak eta ahotsak ere izaten ditu kontutan, noski.
.
“En este sur sediento” txirigotako hitzen egilea ama katalandarra ei duen Antonio Martínez Ares andaluziarra da, Los Cobardes-eko zuzendaria. Taldea txirigotek baino partaide gehiago dituen eta letra finagoak kantatu ohi dituen konpartsen atalean lehiatu zen.
.
Herrialde Katalanen erabakitzeko eskubidea dute kantagai:
“Desde este sur sediento hoy parto una lanza por tu soberanía, por tu independencia…”
.Epaimahaiak, txirigotaren hitzak ez ezik, jantziak eta ahotsak ere izaten ditu kontutan.

«Egarri den hegoalde honetatik, zure alde egiten dut gaur. Zure burujabetzaren alde, zure independentziaren alde. Bere herriaz nazkatuta dagoen andaluziar batek egiten dizu berba.

Pentsatzen jarrita, biok gara kanoirako bazka. Zuk zeure senyera duzu… nik nire zuri-berdea. Zuk errepresioa duzu, eta nik langabezia. Zuk Pujol barrabasa duzu, eta nik EREak. Hain gara ezberdinak, eta azken finean, hain berdinak. Zuk San Jorge duzu, eta nik herensugeak.

Zure noblezia frankista da, nirea bezala. Lapurrez betetako parlamentua dugu biok, autonomietan dirua dirua da-eta. Zuk hizkuntza bat duzu, nik zorioneko dialekto bat, baina mendeak dira Kongresuan ulertzen ez gaituztela.

Biok dugu erromatar jatorria, feniziar eguzkia, ijito arimaren muga-igarobidea. Gosea kentzeko ogia eta olioa.

Nik areatzan eta zuk airean dituzu gazteluak. Eta atsekabetzen bazaitu ere, mintzen bazaitu ere, zainetan zehar nire odola eta lana daramazu. Biok ditugu alferrak, eta elikatu beharreko errege bat.

Egarri den hegoalde honetatik, ez da bekaizkerietarako ordua. Ez zaitut koldar deituko alde egitea erabakitzen baduzu, beti izango baitzaitut nire familia sakratuko kide».

Txirigota bat erabakitzeko eskubidearen alde

Txirigota bat erabakitzeko eskubidearen alde

Cadiz, erabakitzeko eskubidea, inauteriak, Katalunia, txirigotak

2 pentsamendu “Txirigota bat erabakitzeko eskubidearen alde”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude