Naziak, sionistak eta txanpon bat

Naziak, sionistak eta txanpon bat

Mohammed Suleiman, Ammar Souf, Tamer Souf, Ali Shamlawi eta Mohammed Kleib palestinarrak dira, 16 eta 17 urte artekoak. 13 eta 14 urte bitarte zeuzkatenean sartu zituzten kartzelan, 20 delitu baino gehiago leporatuta. Familiek 136$ ordaindu behar dituzte hilero bakoitzarengatik, estatuak ziegaren alokairua kobratzen baitie.

Inguruko lurrak okupatzen zituen kolono sionista bat autoan zihoan bere bi urteko alabarekin. Palestinar batzuk bere kotxeari harrika ekin zioten, eta kolonoak aurretik eraman nahi izan zituen. Maniobra ez zuen ondo kalkulatu, baina, eta istripu bat izan zuten. Handik hilabete batzuetara Adelle Biton, bi urteko haurra, ospitalean hil zen. Ikerketa batzuen arabera pneumoniak jota hil zen neskatoa, epaitegiek istripuarekin lotzen duten arren.

Ez dago gazteak bertan kokatzen dituen testigantzarik. Atxilotutakoan torturatu egin zituzten gazteak, eta aitormen faltsu bat sinatu behar izan zuten. Ezaguna egiten zaigu, ezta?

Mahai gainean jarri berri dudan kasu hau zer da ba? Itsasoan tanta bat ez besterik. Benetan diot, eta egunerokotasunak garbi uzten digu: Israel munduan dagoen gauza okerrena da. Ez dute parekorik. Euskalduna naiz, baita sahararra ere. Bizilagun txarra egokituz gero, bera da munduko petralena, besterik ezagutzen ez dugulako; eta ahala eta guztiz ere, ez espainiar ez marokoar estatua ez dira Israelen mailara iristen.

Baina zer da Israel? Sekula ez dut oso ondo ulertu zer dela eta hitz egiten den “herri juduaz”. Ez dago “herri kristaurik”, “herri islamiarrik” edota “herri budistarik”. Budistak Nepalekoak, Indiakoak edo Tibetekoak izan daitezke; musulmanak Indonesiakoak edo Eskoziakoak, kristauak bezala. “Herri judua” kontzeptuari usain politikoa dario, eta ardatza sionismoa da.

naziakJudutarrek beti hitz egin dute “agindutako lurrera” itzultzeko asmoaz, baina kontzeptu edo nahi erlijioso bat zen beste ezer baino gehiago. XIX.mendean, ordea, nazionalismoa ez zen gurera soilik iritsi, eta judutar gutxi batzuk dotrina politiko berri bat eraiki eta zabaltzen hasi ziren: sionismoa. Hau da, “herri judua existitzen da, beste kultura batzuekin bizikidetzan egotea ezinezkoa da eta estatu hebrearra behar dugu, Israel, Palestinan kokatuko dena“. Sionismoa ideologia politiko bat da, Israelen sorrera ahalbidetu duena; judutarra izatea beste gauza bat da, aldameneko irudiak agerian uzten duen bezala.

Sionistak bitarteko eta erraztasun asko jartzen hasi ziren judutarrak hara bideratzeko, baita orduan kontrola zeukan otomandar inperioak ere. Kontua da Europan bizi ziren judu askorentzat ideia hura astakeria bat zela. Errusiarrak eta juduak, poloniarrak eta juduak, alemaniarrak eta juduak sentitzen ziren, ez juduak bakarrik. Gehienek ez zeukaten beren etxeak eta bizitzak alde batera uzteko asmorik eurena ez zen lurralde urrun batera joateko.

Baina 30eko hamarkada iritsi zen. Alemania naziak hainbat buruhauste ekonomiko zituen, eta horren harira adostu zen nazien eta sionisten arteko akordio ekonomikoa: Haavara. Judutarrei emigratzeko erraztasunak eskaini zizkien estatu naziak, baina kondizioa Palestinara emigratzea zen. Judutar aberatsenek zerga bat ordaindu behar zuten, eta gainontzekoek euren jabetzen zati handiena atzean utzi behar zuten; hori zen naziek jasotzen zuten ordaina. Alemaniatik Palestinara joaten ziren juduak svastika zeukaten itsasontzietan iristen omen ziren. Estatu naziaren izenean akordio hau negoziatzen Eichmann egon zen, ondoren Israelen egin zioten epaiketan frogatu zen bezala. Eichmann, “Mr.Holocaust” bezala ere ezaguna.

Sionistek ghettoak kontrolpean zeuzkaten taldeak maneiatzen  zituzten, Judenrat izenekoak: kudeaketa zeraman kontseilua alde batetik, eta nazien zein sionisten aginduak betetzen zituzten polizia indar zipaioak bestetik. Judenrat kontseiluan nor deportatu eta nor ez erabakitzen zen, noren inguruan zer informazio pasa naziei, nola antolatu ghettoetako jendea… Sionismoak bere dotrina politikoa bertan zabaldu zuen, eta men egiten ez zutenak (judutar sozialista edota komunistak, esaterako), zerrendan lehenak izaten ziren, Palestinara beharrean kontzentrazio eremu batera eramango zituzten trenetara igotzeko.

Nazien eta sionisten arteko elkarlan estuak beste elementu historiko interesgarri bat utzi zuen. Txanpon bat. Palestinarrak datu historiko hau tresna politiko bezala erabili izan dute, sionismoa eta nazismoa txanpon beraren bi aupegiak direla esateko. EIN NAZI FÄHRT NACH PALÄSTINA (Nazi batek Palestinara bidaiatzen du), UND ERZÄHLT DAVON IM ANGRIFF (eta Angriff-en kontatzen dizue). Angriff Goebbelsen egunkaria zen. 

Nazismoa eta sionismoak antagonikoak dirudite, baina eskutik helduta egon ziren baita milioika judu labeetan erre zituztenean ere. Orain sionismoa eta muturreko islamismoa elkarrekiko antipodetan daudela esan daiteke, hedabideek erakusten diguten jokoa aintzat hartuz gero.

Edozein azterketa politiko egiterako garaian, galdera garrantzitsuena hau omen da: “Beno, eta honek nori egiten dio mesede?” Muturreko islamismoak gerra egin zion Sadam Husseini, gerra egiten dio kurduei, Hezbollari eta Siriako Baath alderdikoen ingurukoei. Zabaltzen dituzten bideoetan behin baino gehiagotan mehatxatzen dute Europa, eta denok dakigun bezala, ez dira mehatxu hutsean geratu.

Israelek ez du muturreko islamismoaren eraso bakar bat pairatu; eta hori gutxi balitz, islamismo erradikala inguruan dituen etsai guztiei gerra egiten ari da.

Naziak, sionistak eta txanpon bat

hach embarek, muturreko islamismoa, naziak, sionistak, txanpona
Beñat Hach Embarek Irizar

Mairua naiz behelaino artean. ZUZEU orainkarian erredakzioko kide; Bertsolari.eus aldizkarian koordinatzaile. Goierri.

31 pentsamendu “Naziak, sionistak eta txanpon bat”-ri buruz

  • Kaixo Beñat:
    Zure ohiko estilo dogmatiko eta dokumentatugabeaz zatoz oraingo honetan zabor konspiraniko honekin. Bakarrik Siongo Protokoloez hitz egitea falta zaizu.
    Argi uzten duzu zuretzat Hamas ez dela muturreko islamismoa.
    Euskal Herrian antisemitismoa erabat errotuta dago eta etsigarria da belaunaldi berrriek lehengo lepotik dutela burua ikusteak.

    • Beñat Hach Embarek Irizar
      Beñat Hach Embarek 2016-02-04 23:29

      Kaixo Deborah:
      Iruditzen zait zu zarela dogmatikoa, Israel kritikatzeagatik antisemita deitu nauzun unetik. Sionismoa Israelen jaiotza ahalbidetu duen ideologia politikoa dela aski garbi uzten dut; hori bai, nahi baduzu jarraitu antisemita deitzen bai argazkiko juduari eta bai niri.
      Lenni Brener 1937an jaio zen Estatu Batuetan, familia judu ortodoxo batean. Oso pertsona aktiboa izan da AEBtako eskubide zibil eta politikoen aldeko borrokan. Aditua da idatzian planteatzen den gaiaren inguruan, bizi osoa darama horren inguruan ikasten, ikertzen eta idazten. Ziur naiz zu ikaragarri dokumentatu zarela idatzi dudana dokumentatu gabea dela baieztatzeko, eta Brener baina askoz gehiago dakizula nazien eta sionisten arteko harremanaz.
      Hamas muturreko islamista talde bat da, duela 25 urte baino gehiago sortutakoa. Palestinaren askapena du helburu, palestinarren erdia zokoratzen duen bitartean. Gizarte islamista inposatu nahi duten taldeak ekarri ditu milurteko honek, mundu mailan funtzionatzen dutenak eta ez lurralde batean bakarrik. Talde horietako bakar batek ez du jo oraindik Israelen aurka; eta Israel askoz ere gertuago daukate Europa baino.
      Amaitzeko, oso garbi daukat Israelek ez diola utzi une bakar batez gizateriaren aurkako krimenak egiteari, jaio zen unetik hona. Belaunaldi berriei pasako diegu mezua.
      Ahaztu gabe, bideo interesgarri bat: https://www.youtube.com/watch?v=gE8GESi35Yw

    • Juanma Sarasola

      Ez zabor eta ez konspiranoiarik, Deborah; izatekotan, zurea errealitate gordinaren ukazioa eta arreta desbideratzen saiatzea da (faltsuak diren Siongo Protokoloak izeneko idazkiarekin benetako egitateak alderatu nahian, hauek gezurtatu edota estali asmoz).

      Beñatek hona ekarritakoa gauza jakina eta frogatua da (ez nekien, ordea, preso palestinarren senideei alokairu izeneko eufemismoz diruz ordainarazten zizkietela kartzelatzearen gastuak). Eta zuk, Deborah, sionisten ohiko hasbara edo propagandak agintzen duen bezala, dagoeneko oso disko raiatua den antisionista=antisemita binomio faltsuarekin erantzun duzu, Palestinaren okupatzaile-usurpatzaile-arpilatzaileen ildotik leial eta zintzo.

  • Inn Luzuriaga 2016-02-05 00:12

    Ederra artikulua, Beñat. Azkenean pagatu zutenak, beheko juduak izan ziren (eta sozialistak, eta ijitoak, etab.), sionistek Alemaniako fabrikak hornitzen zituzten bitartean eta, adibidez, kontzentrazio-esparruetan erabilitako Zyklon B produktu hilgarrirako printzipio aktiboa Alemaniako gobernuari saltzen zioten bitartean. Gerra negozioa (eta boterea) da eta ez du aberririk, ezta moralik ere. Egungo Daesh edo ISIS edo dena delako proxy/submarino hori Israelek eta Mosadek eta Atlantikoaz besteldeko anaia estrategiko handiak sortu dute, lehen “Al-Qaeda” delakoa sortu zuten bezala (bestela entzun Robin Cook Erresuma Batuko ministro ohiak bere garaian horri buruz esandakoak, justu dimititu aurretik).

    Israelera joandako judu etorkin umilek harriduraz lehenengo eskutik ikusi ahal izan zuten 40ko hamarkadan, eta geroago, handiki sionistek beren gainetik politika nola egiten zuten, eta haien ordez nola erabakitzen zuten.

  • Hiltzen Hil 2016-02-05 09:36

    Judutar askok, gehienak ez esatearren, sare intra-etniko bat osatzen dute euren erakunde eta logien bitartez. Erlijio oso normatibizatua dute oinarri, euren bizitzako esparru guztiak zuzentzen dituen doktrina talmudikoa. Talmudean bertan ezartzen da Herri Juduaren odolezko jatorri matri-lineala.Hau da: “hijo de vientre judío, judío será”. Diasporako familia juduen harteko harremanak oso indartsuak izan ohi dira Sinagogaren eta erakunde zibil, politiko eta ezkutukoen bitartez: B’nai B’rith, Munduko Kongresu Judua, Europar Parlamentu Judua, Anti-difamazio liga…. Espainian bertan, badiera 8 erakunde judutar aipatutakoetaz gain: http://www.cjmadrid.org/servicios/casher-en-madrid/2-institucional/93-organizaciones-judias-en-espana

    Tira, esan beharrik ez dago Judutarrak herri edo etnia bat direla, euren nortasuna erlijiotikan harago baitago. Esan beharrik ez dago, gainera, munduko herririk antolatuenetariko bat direla euren barne-lege, erakundeen zurruntasun eta kideen arteko elkartasuna dela-eta. 2000 urtez diasporan izan eta gero, munduko botere-piramidearen goialdean kokatu dira aspaldidanik bankuen jabetzaren, finantzaren kontrolaren, zorren eta interesen bitartez. Horren proba nagusia da Israel Estatu-terroristak duen pribilegio internazionala edozer egiteko. Gainera, euren diru-iturrien portzentai izugarri bat estatu-batuarren poltsikoetatik ateratzen da muxutruk, alegia, munduko lehen potentzia parasitatzen dute.

    Beñat, politikoki zuzena izan nahi duzu ezkertiar guztiek bezala eta horregatik darabilzu Sionismo hitza, zeina erabat politikoa den. Pre-juizioek, ideia dogmatikoek eta zuzenketa politikoak mugatu egiten du egiaren ezagutza. Ez duzu sekula ulertuko errealitatea ez baduzu koldarkeria alde batera uzten.

    Horren da handia zure ezjakintasuna, non sinistu egiten duzun holokaustoaren gezurra, non bertsio ofizialen arabera milaka judu labeetan erre eta gaseatu zituzten. Hori ez da inoiz gertatu, lagun: judutarren esku dagoen den hollywood industriak eta prentsa ofizialak asmaturiko hamaikagarren gezurra da. Ikertzen jartzen zaren momentuan ikusiko duzu ez diodala gezurrik.

    • Hiltzen Hil 2016-02-05 10:40

      Barka formengatik, ez dut errespetuz jokatu, baina uste dut ikuspegi okerra duzula: sionismoa modernitatearen baldintzetara egokituriko judaismoa da, eta ezin dira bi gauzak banandu. Lehen sinagogak eta lege-sakratuek kohesionatzen bazuten herri judua, orain ideologia sionistak eta etnizismo juduak kohesionatzen ditu.

      Ondo izan

      • Beñat Hach Embarek Irizar
        Beñat Hach Embarek 2016-02-05 13:46

        Aupa Hiltzen Hil.
        Eskertzen dizut formengatik barkamena eskatzea, normala izaten da foroetan pixka bat sutzea, lasai horregatik. Hori bai, Deborah nirekin nola haserretu den eta erabili dituen formak ikusita, ez dakit zer pentsatuko duen zuk idatzitakoaz…
        Artikulua idatzi dudanean ez naiz politikoki zuzena sentitu, baina beno, beharbada oker egon naiteke, jada dogmatikoa naizela esan didazue bi aldiz. Zaila egiten zait judu guztiak (edo gehienak) zaku berean sartzea, Marx eta Ben Gurion, Brener eta Sharon. Idatzi dudana horrela dela iruditzen zaidalako idatzi dut, ez dut koldarkeriagatik edo zuzentasun politikoagatik ezer isildu.
        “Holokausto” bezala ezagutzen duguna desitxuratua izan dela askotan entzun dut, eta aintzat hartu ere bai. 6 milioi judu hil zituztela gezurra dela esaten dutenak ere badaude, gutxiago izan zirela baieztatuz; beste batzuk, zure moduan, errotik ukatzen duzue hori pasa zenik. Nabarituko zenuen bezala, ez dut doktoretzarik egin gai honen inguruan, eta zure gomendioa jarraituz, gehiago ikertuko banu, beste zerbait erantsiko nuke orain. Baina ez nai gai ikusten zure iritziak arbuiatu edo babesteko.
        Amaitzeko, iruditu zait bai zuk eta bai Inn Luzuriagak dezente kontrolatzen duzuela gaia, zuen iritziak interesgarriak iruditu zaizkit. Eskertuko nizueke gaiaren inguruan janzteko iturri fidagarriren batzuk aipatzea.
        Mila esker

    • Herrialde zibizatuetan holokaustoa ukatzea delitua da. ZuZeun berriz, zu bezalako putakumeek hori idatzi dezakezue eta Beñat bezalako gaztetxo ezkajin arrazistek txalotu dezakete.

      • Juanma Sarasola

        Deborah, zein ederki anonimotasunean ezkutatuta Beñati irainak botatzen, ezta? Irainak eta gezurrak, Beñatek ez baitu inolako jokaera arrazistarik erakutsi, Israelgo Estatuaren eta oro har sionisten politikak kritikatu baizik. Baina jakina, filosionistentzat antisemita>/em> eta arrazista izatea dakar Israeli eta sionismoari egiten zaion kritikarik nimiñoenak ere. Denok dakigu Ekialde Hurbileko demokrazia bakarra (hasbara edo propaganda sionistaren esanetan) perfektua, giza eskubideen babesle sutsua, bere menpeko herritar guzi-guzien maitalea… eta batez ere ukiezina dela, eta ongiaren eta gaizkiaren gainetik dagoela.

    • Interesgarria iruditu zait zure erantzuna holokaustoaren inguruan, artikuloa idatzi beharko zenuke nire ustetan.

  • Pruden Gartzia 2016-02-05 18:44

    Aurreko astean lagun batek zoriondu egin ninduen txoko honetan izen-deiturekin idazten duen bakarrenetakoa naizelako. Harritu nintzen.

    Orain “Hiltzen hil” jaun/andrearena irakurri dut eta hobeto ulertu dut kontua.

    Bi gauza esateko:

    Bat, ez naizela inolako eztabaidan hasiko juduen holakaustoa ukatzen dutenekin, gutxiago pseudonimoekin sinatzen badute. Arrunki naziak dira edo nazizaleak. Guzti-guztiak? Ez dakit. Asko eta asko, bai, dudarik gabe.

    Bi, ez diozula inolako mesederik egiten palestinarren edo, orobat, arabiarren kausari horrelako jendeari kantxa emanda. Batere ez gainera.

    Baina agian hirugarren bat ere gehituko dut: susmatzen dut Deberah jaun/andreak eta biok iritzi oso-oso desberdinak izango dugula kontu honetaz, baina gauza batean arrazoia eman behar diot: Siongo Protokoloei sinesgarritasuna ematea baino ez zaizu falta. Gaia serioa da, agian apur bat gehiago informatu beharko zinateke.

    Ondo esanak hartu, txarto esanak barkatu.

    • Nik ere pozik sinatuko nuke nire benetako izen-abizenekin. Baina gaurko Euskal Herrian judua zarela eta Israelgo Estatuaren existentziaren aldeko jarrera (eta horrek ez du esan nahi bere politika guztiekin bat etortzea) duzula publiko egiteak arazoak besterik ez lidake ekarriko.
      Baina Beñaten bezalako jarrera argia da: ez dugu estatu bat izateko eskubidea. Eta gero beste estatu-ukatzaile batzuetaz negarrez arituko dira!

      • Nahikoa degu! 2016-03-15 17:37

        Judua izatea Euskal Herrian ez du inongo arazorik ekartzen, bai ordea normala den bezala sionista izatea. Duela 25 urte hegoafrikar zuria izatea ez zuen arazorik ekartzen, bai ordea apartheid-aren alde egoteak. Iparralden badira judutar abertzaleak eta ez daude itzaletan.

  • Beñat Hach Embarek Irizar
    Beñat Hach Embarek 2016-02-06 12:27

    Pena da Israel kritikatua den bakoitzean Holokaustoaren inguruan hitz egiten amaitu beharra. Lehen paragrafoan finikitatu nahi dut: idatzian aipatzen da juduen aurka jazarpen kolektibo eta basatia egon zela, kito.
    Idatziaren tesia hau da: nazien eta sionisten arteko harremanak Israelgo estatuaren sorrera ahalbidetu zutela neurri handi batean, eta batzuetan, kontrakoak diruditen posizioak uste baino hurbilago daudela. Horren inguruan, Pruden, Lenni Brener historialaria erreferentzia interesgarria iruditu zait. Naziek ez zituzten Alemanian jaiotako judutarrak herritar alemanak kontsideratzen; sionistek ere ez. Gauza bat da esatea ez duzula nire iritzia konpartitzen, beste bat esatea ez naizenik informatu. Israelen ibilbidea zalantzan jarri eta formatzerako garaian Brenerren lana jarraitu dut. Zuk proposatuta iturriak ere aintzat hartu eta eskertuko ditut, noski!
    Deborah, juduek estatu bat izatekotan Bavarian izan beharko zuten. Estatu alemaniarrak, eta ez alderdi naziak bakarrik, Estatuak, jarri zituen bitarteko guztiak juduen aurka jotzeko. Zorretan alemaniarrak zeuden, ez Palestina. Bestetik, ez dut zure biktimismoa konpartitzen. Ez zait iruditzen Euskal Herrian judua zarela eta Israelgo estatuaren existentzia babesten duzula esateagatik arazoak izango dituzunik. Ondo oroitzen banaiz, Amaiurko Jon Iñarrituk Palestinaren eta Israelen existitzeko eskubidea babesten ditu, eta nik dakidala, EH Bildun jarraitzen du normaltasun osoz. Ez da tabu bat, zuk bihurtzen ez duzun bitartean behintzat.

  • Pruden Gartzia 2016-02-06 12:48

    Beñat, zuk zeuk esan duzu: “pena da Israel kritikatua den bakoitzean Holokaustoaren inguruan hitz egiten amaitu beharra”. Bada, agian zeuk zeure artikuluan esandako batzuk horretarako bide zuzena eskaintzen dute, edo hala iruditzen zait niri behintzat. Baina ez dut zurekin debate historiko bat izan nahi, nire asmo bakarra zen (da) ohartaraztea sionismoa eta nazismoa nahastea erabat bidegabea izateaz gain (zentzugabekeria hutsa da, laguna, beste barik), errakuntza estrategiko itzela dela (hori ere begien bistakoa da edonorentzat).

    Deborah: ez zait batere, baina batere ez, gustatu, batzuen “negarrei” egiten diezun erreferentzia. Uste dut oso gusto txarrekoa dela. Palestinarrak pairatzen ari diren tragediari ez dakit “holokausto” deitu behar zaion (horretan ez nago sartzeko prest, behin eta berriro esan eta esango dut), baina gure errespetu osoa merezi du, juduek historikoki (eta XX. mendean bereziki) pairatu zutenak beste. Jarrera politiko desberdinak izateak ez iiguke eragotzi beharko oinarri-oinarrizko errespetuari eustea.

    Ondo esanak hartu, txarto esanak barkatu.

    • “Negarrez” ari nintzenean ez nituen palestinarrak gogoan, gaizki ulertu didazu (txarto esanak barkatu beharko dizkidazu, beraz). Errespetu handi zor zaie pairatzen ari direnarengatik (eta horregatik esan dut lehen gauza bat dela Israelgo Estatua existitzeko eskubidea defenditzea eta beste bat bere politika guztien alde egotea).

      Espainiaz ari nintzen, Euskal Herriari estatua izateko eskubidea ukatzen diotenean, etnizismoaz, mesianismoaz eta horrelako txorakeriak aipatzen. Hain justu Beñat bezalako ezker abertzaleko gaztetxoek Israelez erabiltzen duten errejistro bera . Eta horregatik esaten nuen ez dutela kejatzeko eskubiderik, maila berean baitaude.

      • Pruden Gartzia 2016-02-06 21:09

        Ulertuta eta onartuta, niri dagokidanez. Eskerrik asko azalpenagatik.

      • Euskaldun bat 2016-02-08 21:45

        Eta zu nor zaitugu besteei putakumeka?! Naziek juduak hil ez zituztela esaten dutenen iritzia, gizakia ilargira oraindik iritsi ez dela esaten dutenen iritzia eta torre bikietan gertatutakoa Estatu Batuetako gobernuaren muntai bat izan zela esaten dutenen iritziak nahiko parekoak dira. Beti daude teoria konspirazionisten eta ordezko teorien zaleak eta egongo dira. Eta gauza guztietan bezala, garrantzitsua da beste modu batera pentsatzen duen jendea egotea, baina horregatik ez dira putakumeak. Zuri gustatzen ez zaizunez putakumeka eta Zuzeu-ri zentsura eske. Baina zu nor zarela pentsatzen duzu! Eta Beñat-ek bere iritzia azaldu du eta aurreiritziz beteta zaudenez, Beñat ezker abertzalekoa dela esaten eta ezker abertzalea = antisemita … Ba jakin dezazula ezker abertzalekoak ez garen askok ere Israelgo estatuari boikota egitearen alde gaudela. Ez da ezker/eskuin kontua, gizatasun kontua da. Oraintxe bertan Israel-ek mundu guztiari ematen dio nazka, Estatu Batuak ere nazkatzen hasita daude, pentsa. Eta utzi behingoz 6 milioi gizaki prostituitzen jarraitzeari, horixe egiten duzue eta. Haiek ezin dute beren iritzia eman, beraz ez itzazue erabili. Historiak epaitu zituen naziak eta desagertu egin ziren munduan horrelako astakiloek lekurik ez dutelako eta historiak epaituko du Israel eta ikusiko dugu non amaitzen duen.

      • Israel estatu bezala existitzeko eskubidea du? Zergatik? Zergatik tipo batzuk joan daitezke beraienak ez diren lur batzuetara ta estatua sortzeko zilegitasuna izan bertokoak kanporatuz, erahilez, etorkizuna ta dena lapurtzen… Ta EHrekin konparatzeko potroak dituzu? Nor kolonizatu dugu guk? Ze lur eraso ditugu EHko estatua ez dagozkigun lurretan sortzeko?

        Palestinarrak jasan zutenak, judutarrak jasan zutena baino txarragoa da, haiek 50 urte luze daramazkite horrela ta judutarrei eraindakoa, hamarkada baten bueltan pairatu zuten.
        50 urte hauetan zenbat hamarnaka mila hil dira Israleen eraginez? Ziru ehundaka mila dirala, zenbat ez dute inolako etorkizunik izan? Zenbat dute buruko gaitz larriak?

        Ta hori Palestinaren biztanleria kontuan hartua ta judutar kopuruarena, Palestinarrak okerro pasatzen ari dira.

        Hori bai,gertatu behar ez zan gauz izugarri lazgarriak dira biak.
        Juduak beraien estatuak zituzten, hoietako estatu batean gehiengoa izanda Israel sortu nahi badute estatu hortan, beraiek jakingo dute.
        Baina Alemaniar juduak, Argentinarrak… mundu osokoak alegia, beraienak ez diren lurretara jotzea, lur hoien jabeei lurrak lapurtzea…. ez du inolako zilegitasunik, ta ez dago EHrekin alderatzerik.
        Hori zuzenean iraina da ta haundia gainera.

        Ta Estatu batueen laguntza ez duenean, aldameneko herriei ere egin dienarengatik, desagerraraziko dute ahal dutenean.
        Hori ez du erran nahi nik horren alde nagoenik.

        Beste gauza litzateke gaur egun dagon egoeragatik, bi estatukin konpontzea gauza,
        Baina Isralek ez du nahi, Palestinarrei dena lapurtzea bait dute helburu.

        Israeldar guztiak beraien estatuetara itzuli beharko ziran zilegiak izateko.
        Ta jada ez naiz ariko Israleek ultraortodoxoekin dituen arazoetaz…Erradikalak musulmanak? Israeldarrak baino askoz gutxiago

        Judutarrak milioika hil ez zituztela erran duenarentzako…. gezurra izateaz gain, zarena adierazten du .

        Hori bai, Judutar andana (aberatsak noski) gehiago aberastu ziran Hitlerrekin, ze azkenean, diruduneai berdin zaio erlijio berekoak edo ez (nahiz ta beraien preferentziak izan), beltzak edo zuriak… Diruagatik ta botere gehiagorengatik, genozidioak egiteko prest daude non nahi ta noiz nahi.

        Berdin du katolikoa, Musulmana, Judutarra edo jainkoan sinisten ez duen

  • Juduek beren gerrak irabazi dituzte, horregatik dute estatu bat. Ez da arrazoi edota eskubide kontua.

    Euskaldunek beren azken gerra guztiak galdu dituzte, eta orain gainera beren seme-alabei irakatsi nahi diete “indarkeria beti erantzun okerra dela”, horregatik ez dute eta ez dute izango estaturik, solik autonomia solidario, feminista eta beganoa, bejoindeizuela!!

    • Euskaldun bat 2016-02-10 21:28

      Ez dago ezer gehiago gehitu beharrik, bi esalditan ezin hobeto deskribatu duzu zeure burua. Eta benetan esango dizut, pozten naiz zaren bezalakoa agertu zarelako eta naziek judutarrekin burututako genozidioa ukatzen duen pertsonaren iritzia bezain interesgarria iruditzen zait zeurea ere. Historiak izango du azken hitza.

      • Gezur handi bat (eta kasu honetan oso intentzio maltzurrarekin asmatutako gezurra) sinistea ez da “iritzi” bat izatea, tonto hutsa izatea da.

    • Bere gudak? Ez , beraiek asmatutako gudak, ze konkistatuko lurra ez bada zurea, zuk beste estatu batekoa baldin bazera…. ta beste bat konkistatzen badezu, ez da bakarrik guda irabaztea, hori ere zure herria babestea litzatekelako.
      Baina argi adierazi duzu zarena, berdin du arrazoia, berdin du zilegitasuna, berdin du ze dagoen ondo ta zer ez, balio duena indarra da soilik.

      Zure iritzia jarraituz, Israle gorrotatzen duten herrialdeak Israel mapetatik desagertuko bazuten, zilegia litzateke indarra izango bazuten?

      Ez, momentu hortan indarra ez dezunean, kontrakoa errango zenun.

      • Ez izan inolako dudarik: inguruko herialdeek noizbait behar adinako indarra lortzen badute Israel desagertuko da. Eta gure Euskal Herri demokrata, solidario eta koldarrean askok txalotuko dute hori.

        • Horrela jarraitu ezkero uste dut Euskal Herria Israel baino lehen desagertuko dela, konplexuz beteriko herrian bizi gara eta.

  • Israelen beste motako guda bat dago, guda demografikoa, bai juduen aldetik eta bai palestinarren aldetik (gauza bera gertatzen da beste leku gatazkatsuetan, Ipar Irlandan adibidez). Gaur egun gehiengo demografikoekin gauzak aldatzen diren Europan, euskaldun askok familia eta haurrak edukitzea heteropatriarkala eta matxista dela erabaki dute eta horren ordez nahiago dute plazer materialen menpe bizitzea. Ez dago herriarekiko konpromezurik, kalimotxoa eskuan eta “Herria ez dago salgai” oihukatzea edo independentzia kamisetan idatzita janztea da askoen konpromezua.

  • Ez dut ulertzen zergatik den hain gai garrantzitsua eta hainsutsuki eztabaidatzen den. Azkenean gai hau agertzen denean ezin da eztabaidatu.

    Onartu behar dut, askotan azaldu didaten arren, ez dut lortzen Israel eta beste estatu zapaltzaileen arteko ezberdintasuna ikustea (demagun Espainia, Frantzia, Turkia, EEBB, etab). Zergatik Israeli egin behar ote zaion boikota eta ez beste horiei.

    Bestetik, hotzean pentsatuta, Euskal Herritarrok Israelekin antzekotasun gehiago dugula Palestinarekin baino iruditzen zait. Kultura txikia, eta hizkuntza bakartua, haiek herri arabiarrez inguratuta, gu berriz eromantzeez; aurrerakuntzarako joera: zientzia, enpresa (edo kooperatiba) etab.
    Naiz eta ez oso jatorrak iruditu ez Palestinarrak ezta Israeldarrak ere, bigarrenak eredu hobea iruditzen zaizkit euskaldunontzat, irabazten ari direlako, gauzak hobeto egiten dituztelako, aliatu egokiak dituztelako eta antzekotasun gehiago ditugulako.

    • Inn Luzuriaga 2016-02-14 21:53

      Zirauna, Israelek gauza gutxi ikusteko Euskal Herriarekin, zerbait bai, aitortu behar da, hizkuntza biziberritzeko ahalegin handia adibidez, edo zuk aipatu bezala, inguruko herrien “bestelakotasuna”. Aliantzei buruz, Estatu Batuekin eta munduko finantzen eta armen handiki guztiekin uztartzea, deabruari arima saltzea alegia: hori edo iraun artean urrezko (zilarrezko, brontzezko…) kaiolan bizitzea ez da oso desberdina egia esateko.

    • Juanma Sarasola

      Israeli boikota egiteko hamaika motibo daude (beste estatu batzuei ere, noski), baina BDS deitutako kanpaina palestinarrek beraiek hasi eta munduko hainbat herrialdetako norbanakok, elkartek eta erakundek bat egin dute.

      Ez dakit nolatan ikusten dituzun antzekotasunak israeldar juduen eta euskal herritarron artean. Hizkuntza berreskuratu zuten, bai, eta estatu hizkuntza ofizial bilakarazi, baina euskaldunok euskara(ren eremua) berreskuratzen saiatzen ari garen arren, ez dugu estatu bat euskara ofizial bilakarazteko eta bere biziraupena bermatzeko. Antzekotasun gutxi, beraz. Zientziari dagokionez, palestinar ugari dabiltza munduan barreiatuta (sionismoak bortxaz ihes egitera edota presio itogarriaren ondorioz emigratzera behartu ondotik) zientziaren hamaika alorretan lan egiten; Israelgo Estatuak ez die beren herrian zientzia garatzeko azpiegiturarik ahalbidetzen. Israeldar juduek beren Estatua dute alde (israeldar palestinarrak bigarren edo hirugarren mailako biztanleak dira, apartheid egoeran bizi direnak), eta hark ditu eraiki, palestinarrei ebatsitako lurretan, zientzia azpiegiturak, arma nuklearrak ekoizteko Dimonako zentrala, unibertsitateak, herriak, hiriak, kibbutz-ak, koloniak… eta abar. Bien bitartean, palestinarren enpresak ttikiak izatetik ez dira pasatzen, ez palestinarrak sormen, iniziatiba eta merkataritzarako gaitasunik ez dutelako, botere okupatzaileak batzuetan hasteko eta beste batzuetan hazteko eta garatzeko bidea ixten dielako baizik, baimenak ukatuta edota zuzenean haien azpiegiturak suntsituta. Kooperatibak egon badaude palestinarren ekimenez sortuak, baina gainerako enpresekin bezala gertatzen da. Hortaz, erraztasun guziak dituenarekin, israeldar juduekin, alderatu nahi gaituzu euskal herritarrak, eragozpen franko jartzen dizkiotenarekin, palestinarrarekin, alderatu beharrean.

  • Zirauna, Israel kolonizatua dago? Lurrak kentzen ari zaizkio? Kanpotik etorritako hizkuntzaren bat inposatzen ari zaie ta beraiena baztertzera behartutak izaten ari dira?
    Palestiank aldiz, ezin du bere kultura ta hizkuntzak ondo garatu, lurrak galtzen ditu etengabe kolono juduek lapurtuta….

    Antz gehiago Israelekin? Kolono ta zapaltzailearekin antz gehiago?

    Zergatik eztabaidatzen da horrela?
    Ez takit baina milioika pertsonen erahilketa gertatu ez dela aditzera ematea edo zuzenean hori erratea, zerikusia izango duela.

    Ongi izan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude