Hizkuntza gutxituak mundu digitalean: nola hobetu bizitasun digitala

Hizkuntza gutxituak mundu digitalean: nola hobetu bizitasun digitala –

Hizkuntza gutxituak mundu digitalean: nola hobetu bizitasun digitala

Hizkuntza-aniztasun Digitalaren Europako Proiektua (Digital Language Diversity Project, DLDP) amaitzera goaz. Gasteizen (EHUko Letren Fakultatean) egingo dugu amaiera-ekitaldia, uztailaren 20an, Hizkuntza Gutxituetako Hiztun Gazteen 2. Topaketaren ondoren (HIGA!).

Elhuyarrek azken hiru urteotan hartu du parte proiektuan, taldekide hauekin batera:

  • Claudia Soria Irene Russo eta Valeria Quochi, Consiglio Nazionale delle Ricerche (Pisa, Italia)
  • Davyth Hicks, European Language Equality Network, ELEN (Frantzia)
  • Anneli Sarhimaa eta Eleonore Kruse, Mainzeko Unibertsitatea (Alemania)
  • Tuomo Salonen, Kareliar Hizkuntza Elkartea (KKS, Finlandia)
  • Antton Gurrutxaga eta Klara Ceberio, Elhuyar (Euskal Herria)

Emaitzak aurkezteko baliatuko dugu amaiera-ekitaldia.

EGITARAUA

9:30-12:45, hitzaldiak (ingelesez)

  • Zer da hizkuntzaren bizitasun digitala eta zergatik den garrantzizkoa?
  • Nola neurtu/ebaluatu dezakegu? (Hizkuntzaren Bizitasun Digitalaren Eskala & Azterketa)
  • Nola hobetu eta sustatu dezakegu hizkuntza gutxituen bizitasun digitala? (Biziraupen Digitalerako Kita)
  • Ekin diezaiogun lanari: hiztunak trebatzea. (Trebakuntza-programa)
  • Politika-garapena eta neurri praktikoak ‘hizkuntzaren eten digitala’ txikiagotzeko. (Bide-orria)

12:45-15:00, bazkaria (doan parte-hartzaileentzat)

15:00-17:00, saio praktikoa (ingelesez)

  • Zure hizkuntzaren garapen digitala neurtu (ebaluatu), ekintzak planifikatu, trebetasun berriak eskuratu.
IZEN-EMATEA

Ekitaldian parte hartzea doakoa izango da, baina ezinbestekoa da izena ematea. Informazio gehiago, hemen.

Hizkuntza gutxituak mundu digitalean: nola hobetu bizitasun digitala
baliabide digitalak, euskara, hizkuntza gutxituak, Internet

Elhuyar 1972an jaio zen zientzia eta euskara uztartzeko asmoz. Elhuyarrek Kultur Elkarte bezala egin zituen lehen urratsak eta 2002an Fundazio bihurtu zen. Ordutik, Elhuyar Fundazioak etengabe dihardu lanean zientzia eta teknologia gizarteratzeko eta euskararen garapena bultzatzeko. Elhuyar Fundazioa irabazi asmorik gabeko erakundea da eta hainbat diru-iturriri esker dirau lanean: bazkideen ekarpenak, diru-laguntza publikoak eta Elhuyarrek ekoizten dituen produktuetatik lortutako mozkina. Elhuyarren xedea hauxe da: Euskara zientzian, teknologian eta gizartean sendotzen eta harentzako arlo berriak eraikitzen egiten dugu lan, euskal komunitate aktiboa eta kritikoa helburu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude