Sarraskiaren aurrean, Frantziak Haitiko kanpo zorra barkatzeko eskatu du.

Hego Ameriketako herrialdeen artean independentzia lortu zuen lehena izan zen, Haiti, 1804an. 300 urtez Frantziarren esklabo izan ondoren etorri zen herrialdearen askatasuna. 1804ko independentziarekin esklabotza deuseztu zen. Baina frantziarrek ez zuten berehalakoan etsi. Kolonialistek 1825ean Haitiko gobernuari herrialdearen independentzia onartzeko ordainketa eskatu zioten. Eta gobernuak, inbasio berri baten eta gerra baten beldur ordaindu egin zuen.

Edo oraindik ordaintzen dihardu, hobeki esan. Independentzia ez baitzen oparia izan.

Eta orain, 40.000, 100.000 edo 200.000 hildako eragin dituen lurrikararen ostean, Frantziak kanpoko zorra barkatzeko eskatzen du. Halako sarraskiaren zain egon beharra zegoen?