Els segadors euskaraz
Els segadors euskaraz –
Kataluniarengan jarrita genuen arreta apaldu dela dirudien honetan, Euskalerria Irratira jo dugu, “El Segadors” ereserkia euskarara ekarri dutela-eta.
Kataluniako himno ezaguna euskaraz eman du Iruñeko lagun talde batek: Itziar Diez de Ultzurrun eta Joxemari Sestorainek egin dute itzulpena, Usoa eta Ane Wyssenbach dira abeslariak eta Koldo Miranda gitarra jotzailea.
Kataluniaren erabakitzeko eskubidearen alde eta orain preso eta atzerrian daudenenganako atxikimenduaz egin dute kanta hau lagun hauek.
.
ELS SEGADORS – IGITARIAK
…
Katalunia garaile
berriz jori eta oparo,
atzerat jende hori
hain burgoi eta hain harro.
Igitaiaz!
Igitaiaz gure lurraren alde!
Igitaiaz!
Garaia da igitari
adi eta erne egoteko.
Ekainaren zain berriz,
gure tresnak zorrozteko.
Igitaiaz!
Igitaiaz gure lurraren alde!
Igitaiaz!
Beldurtu du etsaia
gure ikurra ikusteak,
galburuak moztu lez
sega ditzagun kateak.
Igitaiaz!
Igitaiaz gure lurraren alde!
Igitaiaz!
Els segadors euskaraz
Hori bai ereserkia !!