Zergatik da dantza matematika bezain garrantzitsua hezkuntzan?

Zergatik da dantza matematika bezain garrantzitsua hezkuntzan? –

Zuzeun salabardoa dugun antzera, Dantzan atarian Puntapioa dute han eta hemen argitaratzen direnak harrapatzeko. ¿Por qué la danza es tan importante como la matemática en la escuela? Así lo argumenta Sir Ken Robinson (Elige Educar, 2018-03-26) artikulua, kasu honetan.

Dantza matematika bezain garrantzitsua dela hezkuntzan defendatzen du Ken Robinson hezitzaileak eta idazleak, TED hitzaldi batean.

Zergatik da dantza matematika bezain garrantzitsua hezkuntzan?
Argazkia: PBS.

Batak ez duela bestea ordezkatzen dio, harremanetan daudela pentsatzen du. Robinson-ek beste arteen, hizkuntzen edota zientzien mailan ipini nahi du dantza. Honela definitzen du dantza: “mugimenduen bidezko espresio fisikoa da, harremanen, sentimenduen eta ideien erritmoa”. Hainbat ikerketen arabera, dantzaren ulerkera sakonagoak zalantzan jartzen ditu adimenaren inguruko ikuskera estandarrak eta horren botere transformatzailea frogatzen dute.

New York-en esaterako, badaude hainbat eskolatan eragin duten dantza konpainia handiak. Horietako batek Dancing Classrooms izena du. Konpainiaren helburua da ikasgela barruko harremanak hobetzea, batez ere genero ikuspegitik. Dantzaren bidez, lankidetza, errespetua edo enpatia bezalako baloreak bultzatzen dituzte. Programan parte hartu duen eskola bateko zuzendariak dio, ikasleek hobekuntza nabarmena izan dutela matematikan eta irakurketan. Ikerketa batzuek frogatu dute, ariketa fisikoak eragin positiboa duela memorian, arretan edota ikasgela barruko jarreretan.

.

Hemen duzue Ken Robinson-en hitzaldia:

Gaitasun sortzaileak alde batera uzteko hezten dugula jendea dio Ken Robinson-ek. Picassok zioen haur guztiak artistak jaiotzen direla. Arazoa da umeak haztean artistak izaten jarraitzea. Haztean ez gara sortzaileagoak bihurtzen, hezkuntzak gure sortzaile izaera gutxitzen du.

Gillian Lynn-en adibidea kontatzen du. Haurra zela eskolan zailtasunak zituen geldik egoteko, arreta mantentzeko… Beraz, amak medikuarenera eraman zuen. Medikuak esan zion amari haurra ez zegoela gaixo, dantzaria zela eta dantza eskola batera eramateko. Hala egin zuen eta pentsatzeko mugitu beharra zuen jendearekin egin zuen topo. Balleta, klakea, jazza, dantza modernoa, garaikidea… dantzatzen zuten. Gillian Lynn-ek dantza eskolatik Royal balleterako saltoa egin zuen, bakarlaria izan zen, eskolan graduatu eta konpainia propioa sortu zuen eta historiako musikal arrakastatsuenen arduraduna izan da. Zenbait medikuk medikatu egingo zuketen.

Dantzak ez du matematika ordezkatzen, baina haurrek matematika eta beste jakintza arloak hobeto ulertzeko tresna gisa balio du.

Zergatik da dantza matematika bezain garrantzitsua Zergatik da dantza matematika bezain garrantzitsua
dantza, hezkuntza, matematika
Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude