Prentsara nafarrak Gustaveko koadernoan

MTMxOA==

Gustaveko koadernoak, saiakera web-gune bat da, euskaraz argitaratzen den saiakera hedabide bakarrenetakoa dela esango nuke. Zarautzen sortu zen, besteak beste, Etxeberria anaien eta Xabier Etxaberen eskutik eta makina bat euskal intelektualek idatzi dute bertan; hala nola, Ludeger Meesek, Anjel Lertxundik, Aizpea Zubiak, Patxi Zabaleta, Pello Esnalek, Xabier Mendiguren Elizegik, Santi Leonek eta Carlos Rivelek. (besteak beste)

Gai ugari jorratu dituzte eta nago oraindik bertan idatzitakoak ez direla iritsi euskal irakurlegoarengana. Ez da nahi hainako zabalkuntza eta hedapena eman, ez behintzat proiektu honek merezi duen hainakoa. Ea hau irakurri ostean animatzen zareten eta http://www.gustav-koadernoak.com estekan klikatzen duzuen eta ekimen hau ezagutzen duzuen.

Hilabete honetan nafarrak plazara

Arragoa, anaia zaharra edo eta behinolako reynoa, gure mundutxoaren eguneroko tertulietan eztabaida askoren gai eta eztabaidagune da Nafarroa. Historiatik hasi, euskara eta euskal kultur adierazpenekin segi eta, erremediorik gabe, politikagintzaren demalekuan bukatu arte, sarritan izaten dugu Nafarroa ahotan.

Honako ale honetan, Nafarroa ahotan izatetik, ahotsa ematera pasa nahi izan dute Gustavekoek. Horretarako, arlo eta molde ezberdineko lau egile nafarren lanak bildu dituzte saiakera web-gunean, bakoitzak bere esparrutik, Nafarroa den abesbatza anitz horren ahots berezi bat ematen dutenak:

MTMxNA==

Castillo Suarez: “Trapezista izan nahi dut” ; idaztera bultzatzen duten arrazoiez eta idazlearen paperaz hausnartzen duen saiakera zorrotz eta intimista.

MTMxNQ==

Patziku Perurena: “Akola”; filologiaren esparru akademikotik abiatuta euskal izana euskal izenen ahozko lekukotzetan bilatzen du Goizuetako idazleak.

MTMxNg==

Patxi Zabaleta: “Nafarroako historiaren zama”; politikari eta idazle leitzarrak esaera zaharra aintzat hartu du gogoeta hau egiteko: atzeak erakusten du aurrea nola dantzatu.

MTMxNw==

Santi Leoné: “Erre zirenei”; nazien basakeriaren biktima izandako emakume nafar baten istorioa ekartzen digu gogora.

Irudia | Castillo Suarez | Gustav | Creative Commons By SA
Irudia | Patziku | Gustav | Creative Commons By SA
Irudia | Patxi Zabaleta | Gustav | Creative Commons By SA
Irudia | Santi | Gustav | Creative Commons By SA
Irudia | Gustav-koadernoak | Gustav-koadernoak | Creative Commons By SA
Castillo, Gustav-koadernoak, kazetaritza, nafarroa, Patxi zabaleta, saiakera, Santi leone
Oier Aranzabal

ZuZeuko erredakzioko koordinatzailea. Ekaitza bainuontzi batean.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude