Norberak eraikitzea, lana eta jolasa

Norberak eraikitzea, lana eta jolasa –

Hemen aurkezten dugun tailer honek izaera bikoitza du: artista tailerra da alde batetik, eta Antonio Ballester Morenoren lan prozesuetara hurbiltzeko aukera emango digu, baina produkzio tailerra ere bada, eta alde horretatik bere lana ekoizten parte hartzeko aukera izango dugu. Elkarlanean oinarritutako praktikak askotan izan dira bere lanaren ardatz, beti ere sormena hartuz ikastearen dinamo.

Artium Museoarekin elkarlanean antolatu dugun tailer honek badu beste helburu bat ere: Norberak eraikitzea. Pieza solteak. Esperientzia. Lana eta jolasa erakusketan aurkeztuko den serigrafiaz egindako mosaiko handi baten produkzio kolektiboari heltzea. Proiektu honetan erakusketari aparatu gisa eusten dioten arau komunak hartzen ditu artistak lanerako gai. Erakusketa hau uztailean irekiko dute Artiumen.

Era honetara, tailerra elkarrizketarako eta batera lan egiteko leku bihurtu nahi dugu, artistaren lan egiteko modua beste egiteko modu batzuekin harremanetan jarriz.

Antonio Ballester Moreno Madrilen (Espainia) jaio zen 1977an. Era honetako proiektuetan lan egin du lehen ere, besteak beste Sao Pauloko Biurtekorako egindako sentido/comum proiektuan, 2018an; Zapopan Museoan, Sin intencionalidad, propósito o finalidad erakusketan, edo La Casa Encendidan, ¡Vivan los campos libres de España! proiektuan.

(Izena emateko)

Norberak eraikitzea, lana eta jolasa

Hasiera-data:
2021eko maiatzaren 4a

Amaiera-data:
2021eko maiatzaren 8a

Tokia:
Dinamoa Sormen Gunea, Azpeitia (Gipuzkoa)

Taldea:
gehienez 8 lagun

Ordutegia:
egunero 11:00-14:00 + 16:00-19:00

Izaera:
Presentziala

Ordu kopurua:
30 ordu

Matrikula-prezioak:
Soldatadunek: 60,00 €. Soldatagabeak: 30,00€

Matrikula-epearen hasiera:
2021eko martxoaren 26a

Matrikula-epearen bukaera:
2021eko apirilaren 30a

Zalantzak argitzeko, harremanetarako: idatzi dinamoa@dinamoa.eus helbidera edo deitu 674 165 682
telefonora.

Norberak eraikitzea, lana eta jolasa

Utzi erantzuna

Zure e-posta helbidea ez da argitaratuko. Beharrezko eremuak * markatuta daude