Efemerideez gain, aste honetan bi ditu albisteak: alde batetik, Bilbo Zaharra euskaltegiak antolatzen duen klasikoen irakurraldiaren barruan aurten Ramon Saizarbitoriaren Hamaika pauso irakurriko dela. Irakurraldia, gainera, zuzenean ikus daiteke eitb.com gunetik. Bestalde, Armiarmak sarean jarri duela, osorik, Maxim Gorki idazlearen Ama eleberri bikaina, Jose Moralesek euskaratua. Literatur Emailuak webgunean irakur daiteke.