Kritika zinematografikoa: “LAMB”

Kritika zinematografikoa: “LAMB” –
Kritika zinematografikoa: “LAMB”

Kritika zinematografikoa: “LAMB”Zuzendaria: Valdimar Jóhannsson
Urtea: 2021
Herrialdea: Islandia

-Islandiako paraje hotzetan-

Iraganeko galera batek minduta, Maria (Noomi Rapace) eta Ingvar senarra (Hilmir Snaer Guonason) Islandiako paraje zabaletako baserri batean bizi dira, isilkor eta goibel, artzain lanetan eguneko ordu guztiak sartzen dituztela. Ardiek bazkatzeko erliebe hotzen giroak senar-emazteen hartu-eman sorgorra islatuko dute; egun batean, ordea, bikotearen krisialdia salba dezakeen miraria gertatuko da: ardietako batek izakitxo bat erdituko du, erdi-gizaki eta erdi-ardi itxurakoa, eta Maria eta Ingvarren bizitzak berriz ere zentzuz beteko ditu gertaera fantastiko horrek. Zer esanik ez, filmaren beldurrezko generoaren tonuak hasiera-hasieratik iradokiko duen legez, gauzak ez dira uste bezala irtengo, Péturren agerraldiak (Ingvarren anaiak) ez baitu baserriko tentsioa lasaitzen lagunduko, eta sortu berria den familia bitxi horren batasuna kolokan jarriko du berriro.

Islandiako paraje horiek bezalaxe, gidoiaren elkarrizketa hotz eta zuzenak bat etorriko dira istorioaren izaera orokorrarekin; baina Valdimar Jóhannssoni interesatzen zaizkion gaien funtsean jotzea lortzen badute ere, sinpletasun hori azkar bihurtuko da errepikakor eta aspergarri. Onartu beharra dago metaforen eta alegorien eremuan kokatzen direla kontakizuneko pertsonaiak, animalia sinbolikoak, gertakizunak, eta filmeko beste elementu asko —Izan ere, protagonistak Maria du izena, eta sorkunde garbiaren analogiak ez dira bereziki disimulatuak. Bildotsaren sinbologia ere agerian dago, eta horrez gain, folklore islandiarreko kontuak modu esplizituan aipatzen dituzte pertsonaiek beraiek—. Hala ere, nahiz eta zinemagile islandiarrak, neurri batean behintzat, filmak duen distantzia eta hoztasun estetikoa alegoria intelektualaren erreinuarekin justifikatu nahi izan, metaforen jokoa ere ez da horren txalogarria. Eta zoritxarrez, behin pertsonaien bilbean interesa guztiz galduta izan, horixe izango da filmak opatzeko duen alderdi interesgarriena.

(…)

Kritika osorik irakurtzeko, sartu ZINEA atarian!

Kritika zinematografikoa: “LAMB”

Kritika zinematografikoa: “LAMB”

Euskal pantailaren gunea

Utzi erantzuna

Zure e-posta helbidea ez da argitaratuko. Beharrezko eremuak * markatuta daude