Izarne Oiarzabalek “The Dance of Death & Other Plantations Favorites” (Kafe Aleak)

Izarne Oiarzabalek “The Dance of Death & Other Plantations Favorites” (Kafe Aleak)

7884581148e30ccb73a24dfa45b62e09_XL

.

John Fahey

“The Dance Of Death And Other Plantations Favorites”

(Takoma -1965-)

.

Dantza! Egin dantza, madarikatu alaenak!

Dantza! Egin dantza, madarikatu alaenak!
Dantza, hil ez zaitezen, dantza hil artean.
Hebaindutako soinuren baten tekla noragabeak arituko dira zuen dantzak
benazkoagoa eman dezan, halere patetiko jarraituko duen arren.

Egin dantza, zuek, madarikatuak!
Hil edo bizikoa bailitzan, izan ere, horrela baita,
eta bizia galdutakoan, elkarri so, zein pauso erratu zenuten galdezkatuko duzue.

Izarne Oiarzabalek "The Dance of Death & Other Plantations Favorites" (Kafe Aleak)Egin dantza! Besterik ezin duzue egin eta!

Dantza! Egin dantza, madarikatu alaenak!
Bizitza horretan datza eta,
salto, bira eta irri egin, besoak jaso eta atsekabea askai bihurtu,
ardo gozoa edan eta zain egon, kanpotar batek gau bakarra igarotzeko
aterpearen truke kondaira bihur zaitzan.

Egin dantza, zuek, madarikatuak!
Ez baitago begiak jango dizkizuen belerik, ezta irentsiko zaituzten sugerik ere.

Dantzatu! Eta egin ulu gauean!
Piztu etengabe suak eta erre esaera zaharrak.

Musika egon bitartean, dantza!

Dantza! Egin dantza, madarikatu alaenak!
Heriotzara heldu aurretik bizi beharreko zoritxarra baitaukazue.

 

Izarne Oiarzabal (Ondarroa, 1987), musikazalea

.

.

“Kafe aleak” liburuaz, Leire Lopez Ziluagak eta Ibon Rodriguez Garciak, argitalpenaren arduradunek

 

 

Izarne Oiarzabalek “The Dance of Death & Other Plantations Favorites” (Kafe Aleak)
diskoak, Izarne Oiarzabal, John Fahey, Kafe Aleak, musika

Utzi erantzuna

Zure e-posta helbidea ez da argitaratuko. Beharrezko eremuak * markatuta daude