I. GAZTEZULO Bideo Lehiaketa abian da

Bideoek gutxienez minutu bateko eta gehienez hiru minutuko iraupena behar dute izan, eta hizkuntz edukiak euskarazkoa behar du izan. Bideoak Euskaltubera edo Youtubera igo behar dira eta linka gaztezulo@gaztezulo.com helbidera bidali, azaroaren 15a baino lehen.

Bideo onenaren egileak 1.500 euroko diru saria jasoko du eta Euskararen Udal Patronatuak Donostiako EUSKARAREN HIRIA BIDEO SARIA emango du;  Donostian bizi edo ikasten ari diren parte hartzaileen artean aukeratuko du saritua eta tresna informatikoak nahiz ikusentzunezkoak erosteko 1.000 euroko txartela emango dio.

Ikusentzunezko esparruko izen ezagunek osatuko dute epaimahaia, hala nola, Koldo Almandoz, Jose Mari Goenaga eta Jon Garaño zinema zuzendariek, eta Egoitz Lasa eta Aitziber Garmendia aktoreek.Oinarri guztiak www.gaztezulo.com webgunean aurkituko dituzu.

I. GAZTEZULO Bideo Lehiaketaren kartela

Irudia | I. GAZTEZULO Bideo Lehiaketaren kartela | Inge Mendioroz | Creative Commons By SA
bideo lehiaketa, Euskararen Udal Patronatua, Gaztezulo

Euskal Herri osora hedatzen den euskara hutsezko gazte hilabetekaria da Gaztezulo. 2000 urtean hasi zuen bidea aldizkari gisa, baina egun askotariko euskarriak dituen proiektu komunikatibo osoa da. Gazteen topalekua.

Zer duzu buruan “I. GAZTEZULO Bideo Lehiaketa abian da”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude