Publizitate enpresetan lan egiten duen Fede Bosch diseinatzaile grafiko kataluniarrak lehiaketara aurkeztutakoa da Durangoko Liburu eta Disko azokako kartela izateko Gerediaga elkarteak izendatu duen epaimahaiak hautatu duen proposamena. Hasieran osatu zuen irudia “barrokoagoa” zela kontatu du elkartegian egindako aurkezpenean Boschek, eta ondorengo prozesuak sinpletasuna bilatzera eraman zuela.