Badakizu Urte Berriko kanturik?

Badakizu Urte Berriko kanturik?

Gure amama zenak asko kantatzen zuen, berdin ekarriko zizun kantu jeltzaile bat edota errepublikar bat. Jaiki jaikiren ostetik, Niña republicana sal al balcón, kantatzen zizun igual. Izan ere, gure amama hau etorkin familia bateko alaba zen eta mazedonia moduko potpurri bat zeukan beti buruan, kultur erreferentziei zegokienean.

Izanak izan, haren kantuak iltzatuta geratu zitzaizkigun etxekooi. Urte Berri egunerako ere bazituen abestiak. Horietako bat, oraindik ere oso ondo ulertzen ez dudana, honakoa:

Badakizu Urte Berriko kanturik?

Urte Berri berri

nik ez daukat eta neri

kantaretan bat

kantaretan bi

ekatzu agiñaldo

Jaungoikoagatik!

Agiñaldo, agiñaldo

gaztainak bota eta isildukooo!

Badakizu Urte Berriko kanturik?

Gure amama zenak asko kantatzen zuen, berdin ekarriko zizun kantu jeltzaile bat edota errepublikar bat. Jaiki jaikiren ostetik, Niña republicana sal al balcón, kantatzen zizuKontua, ordea, ez da nire amamaz hitzegitea, ez zait urtea hasteko modu dotorea iruditzen. Sarrera honek beste bat du helburua. Izan ere, nor akordatzen da gure etxean ikasitako kantu honekin? Beste inork ezagutzen/ abesten ote du gaztainen kantu hau gaurko egunean?

Zenbat halako abesti ez ote diren galtzen ari. Eta horixe galdetu nahi nizun, zeuk ezagutzen al duzu Urte Berriarentzat kanturik?

Hala balitz, idatzi iruzkinetan, mesedez.

Badakizu Urte Berriko kanturik?

Airetik bizi naiz. Ia.

3 pentsamendu “Badakizu Urte Berriko kanturik?”-ri buruz

  • Aupa!
    Ba gure amak badaki gaurko eguneko abestitxo bat…

    Urte barri barri
    Txarri belarri
    Daukanak ez daukanari
    Katilu bete gari

    Urte berri on !

  • Iñakito Garay 2017-01-01 17:47

    Hemen beste bat ere:

    Urte Berri eguna
    ez dala egun txarra
    kortara jausi dala
    gure neskazaharra!

  • Guk urtero kantetan dogu Bermeon gabon zahar egunean, euskerea eta erderea nahastauta:

    Urte barri barri
    txarri belarri
    dakonak ez dakonari
    nik ez dakot eta niri

    Magillando (agiñaldo)
    etxa kastaña, etxa intxorra,
    lau kastaña, lau intxorra,
    Mari Montaña, kuluan saina,

    Señorita una, señorita dos,
    etxa magillando por amor de Dios
    Etxa bomba, etxa bomba,
    dale-dale-dale hasta que se rompa…