Aurkezle bila gabiltza GETB, bideojokoetan espezializatutako web telebista osatzeko

GETB

Kaixo irakurleok, gure webgunea atsegin duzuela dakigunez, euskal bideojoko zaleen komunitatea hazteko asmoarekin proiektu berriak aurrera bultzatzeko gogoz ari gara lanean.

Hauetako proiektu bat, Game Erauntsi TB ( GETB ) izango da eta hor jokuen albisteak zein iritziak aurkitu ahal izango dituzue eta gainera, Euskal Herriko joku jaialdietara hurbilduko da bere ikus-entzun taldearekin, erreportaiak egin eta gero YouTubeko kanalera igotzeko. Laburrean esanda, interneten garatuko den Web telebista berria izango da!

Ikus-entzunezko taldea 3 lagunez osatuta egongo da: Kamera, Laguntzailea eta Aurkezlea.

Horietatik bi postu beteta daude dagoeneko baina aurkezlea falta zaigu. Zuetako norbaiti aukera hau interesatzen bazaio, ez luke zalantzarik eduki behar, ez utzi alde egiten!


Aurkezle izateko baldintzak oso gutxi dira:

  • 18 urte baino gehiago izatea (Adin gabekoak beraien gurasoen baimena behar izango dute)
  • Euskara maila ona izatea
  • Bideojokoei buruzko ezagutza pixka bat
  • Kameraren aurrean ongi moldatzea, grazia izatea
  • Euskal Herri osoan zehar joku jaialdietatik jaialdietara bidaiatzeko prest egotea
  • Eta garrantzitsuena… gogoa eta ilusioa izatea

 Aurkezleak, gainerako lantaldeak bezala gutxieneko betebehar hauek hartu beharko ditu:

  • Lan-taldeak adostutako jaialdi eta grabaketa egunetara joatea (garraio publikoa edo autoa erabili beharko du)

Beraz, interesatuta bazaude, sartu Game Erauntsiko webgunera eta bete bertan agertzen den inprimakia.