Arte[faktua] 44: Iñigo Aranbarri ‘Munduko tokirik ederrena’, Xabier Gantzarain, Jon Aizpurua

Arte[faktua] 44: Iñigo Aranbarri –

Iñigo Aranbarri idazlea da aste honetako gonbidatu nagusia Arte[faktua] literatur saioan. Bere jaioterria den Azkoitia herrian elkartu da Yolanda Mendiola aurkezlearekin Munduko tokirik ederrena azken lanaz hitz egiteko. Aranbarrik aspaldian buruan egosten edukitako 10 istorio bildu ditu liburuan. Kontakizun guztiak Urola bailaran kokatu ditu eta bere belaunaldikoen bizipenetan oinarrituta daude.

Filologian lizentziaduna da Aranbarri, euskara irakaslea eta hainbat poema liburu, nobela eta saiakera idatzi ditu. Berria egunkarirako idatzitako artikuluekin Hizlandia liburua kaleratu zuen Susarekin. 2008an Zilarrezko Euskadi Saria jaso zuen.

Bere gonbidatua Xabier Gantzarain idazlea eta arte kritikoa da. Berriki, euskal arte garaikidearen historia hurbilaz diharduen Zuloa izeneko liburua idatzi du. Egun, Azpeitiko Dinamoa sormen gunea izango denaren kudeaketa lanetan dabil.

Irakurlearen tartean, Azkoitiko Ixabel Jauregik, Joxean Agirreren Ispiluak eta itsasoak liburuaren aipamena egingo du.

Galdetegian, Rikardo Arregi, Idurre Eskisabel eta Ekaitz Goienetxea idazleek euren liburu kuttunen berri emango dute.

Aste honetako “Apalategia” ataleko protagonista Jon Aizpurua da, Euskadi Irratiko “Kultur Leihoa” saioko arduraduna.

Aste honetako Booktubearen egileak, Galdakaoko Elexalde Institutuko Paule, Ariadne eta Kari dira. Gomendatuko duten liburua, Fernando Morilloren Zauri ezkutuak da.

Horrez guztiaz gain, asteroko nobedadeek, pitxiek eta Baionako Elkar, Garoa, Karrikiri eta Hitz liburu-denden gomendioek osatuko dute saioa.

Hau guztia, larunbatean, 15:00etan, ETB1en.

Arte[faktua] 44: Iñigo Aranbarri 'Munduko tokirik ederrena', Xabier Gantzarain, Jon Aizpurua

Arte[faktua] 44: Iñigo Aranbarri ‘Munduko tokirik ederrena’, Xabier Gantzarain, Jon Aizpurua
Artefaktua

Arte[faktua] literatur saioa ETBn

Utzi erantzuna

Zure e-posta helbidea ez da argitaratuko. Beharrezko eremuak * markatuta daude