Hil honetan Iñigo Aranbarriren Zulo bat uretan (Susa 2008) liburua aitzakiatzat harturik, bi jarduera egingo dituzte. Alde batetik, hilaren 9an, asteartean, Iñaki Egaña historialariak Gerra Zibil sasoiko hobietan egindako lana titulupeko hitzaldia emango du Igorreko kultur etxean, 19:30ean. Bigarrenik, hilaren 20an, larunbata, ibilaldi literarioa egingo dute Iruñean barna, Iñigo Aranbarrik gidatuta. Txangoaren prezioa 18 euro da (autobusa eta bazkaria). Izena emateko 649 979115 telefono zenbakira deitu behar da.