Abisatuak zaudete

autorretrato-2.jpgAlvarez Rabo: autoerretratua

Alua mundua izeneko blog honetan ibili bazara inoiz, honez gero jakingo duzu zein lagun txarrak ditugun bertan. Álvarez Rabo jauna dugu guztien artean aluena. El Víbora, TMEO eta antzeko aldizkarietan argitaratuagatik, komikigile bezala suizidatua zegoen aspaldi, euskaraz berpiz zedin eskatu genionean. Eta berpiztu, berpiztu zen geuri egiteko trastada. Orain blog bat egiten laguntzeko eskatu digu egindako gaiztakeria haren ordainetan, eta, nola ez ba, lagundu egin diogu bere bloga sortzen. Lagunen lagun gara gu eta, batez ere.

Alabaina, ez du interneteko airean asko iraungo haren lanak. Aurki kenduko dute dagoen tokitik, eskandalua eta sexu-zirikatzea baitu helburu Rabok eta, ez dirudien arren, blogen munduan zentsura handia baitago egon, batez ere erabili dugun BLOGGER puritanoan. Bien bitartean, nire aholkua har ezazue kontutan: mesedez eta faborez ez zaitezte sartu haren blogean. Damutuko zarete benetan. Gainera, ez dago euskaraz. Jasanezina da Rabo jauna: telefono-erantzungailuan neukan gaur haren ahotsa: redios, pon este cacharro en castellano, que no te entiendo nada, zioen Madriletik. Esan diot bera ez dela hipermodernoa, ez dakiela zer esaten duen Lipovetsky jaunak. Sustraiak behar direla gaur eduki eta lortu, gizarte hipermodernoan nor izan nahi bada. Erantzun dit, berak ez diola sekula kasurik egingo deitura errusiarra duen zakil bati. Eta klik egin du telefonoak, hariaren beste aldean.

ALUA MUNDUA ! Idazlea, kazetaria, gidoigilea, blogaria... Euskaldunon Egunkaria eta ZuZeuren sortzaileetakoa. ETBn hamaika saio zuzendu eta aurkeztutakoa. (Argitaratutako Liburuak)

Zer duzu buruan “Abisatuak zaudete”-ri buruz

  • […] Después de leer eso, me he acordado de Álvarez Rabo (¿porque dice que trabaja en unos grandes almacenes en Madrid?). Hace algunas semanas nos comentó Hasier Etxeberria que Rabo se disponía a poner un blog en marcha. Pensaba que me había dado de alta, pero no ha sido así. Y no lo es porque he entrado en el blog y me he dado cuenta de que el autor estaba mosqueadísimo al censurarle Youtube una animación basada en un guión suyo. Siguiendo varios consejos de algunos lectores, la citada animación está ahora en otro lugar. Y aquí os dejo un enlace. Se titula El truco del Almendruco: […]