Abian da kaixomaitia.eus eta elkar argitaletxearen artean antolatutako “kontaketa erotikoen II. leihaketa”

 “kontaketa erotikoen II. leihaketa” – 

Azaroren 16 an jarri genuen abian kaixomaitia.eus eta Elkar argitaletxearen artean antolatutako kontaketa erotikoen lehiaketaren 2. edizioa, iazko lehen edizioaren arrakastari jarraipena eman nahirik. 2007an sortu genuen harremanetarako webgunea eta 2016an bloga abian jarri genuenen, sarean euskarazko edukiak sortu eta zabaltzeko asmoarekin. Orduz gero, 400 testutik gora zabaldu ditugu, orotarikoak, kontaketa erotikoak nagusiki.

Aurtengo lehiaketan, iaz bezala, 18 urtez gorakoek parte hartu ahal izango dute eta testuek 6.000 eta 20.000 karaktere artekoak izango dira, euskaraz idatziak eta publikatu gabeak.

Testuak bidali ahal izango dira 2021ko abenduaren 31 arte eta urtarriletik hasita hasiko gara kaixomaitia.eus atariaren blogan publikatzen, urte osoan zehar. Epaimahaia hiru lagunek osatuko dugu: Dorleta Kortazar Alkoz ipuin kontalaria, Antxiñe Mendizabal Aranburu idazle eta editorea, eta Iñigo Arandia Galarraga webguneko kudeatzailea. Hiru epaimahaikideok zortzi finalista aukeratuko ditugu jasotako lanen artea, 2022 ko otsailaren 28 bitarte.

Saridunak martxoan ezagutuko dira, berariaz antolatuko dugun ekitaldian eta bertan ebatziko diren sariak ondorengoak izango dira:

  • 1.go saria: 1.000€ + 100€ko elkar opari txartela + liburu sorta
  • 2. saria: 500€ + 100€ko elkar opari txartela + liburu sorta
  • 3. saria: 250€ + 100€ko elkar opari txartela + liburu sorta
  • 4-8. saridunak: 100€ko elkar opari txartela + liburu sorta

Lanak aurkezteko ondorengo formularioa bete beharko da. Lehiaketaren oinarriak atarian daude irakurgai.

“kontaketa erotikoen II. leihaketa”

Utzi erantzuna

Zure e-posta helbidea ez da argitaratuko. Beharrezko eremuak * markatuta daude