Zuzeu Gaztea sariak beste 150 euro ditu martxoan zeuretzako

Dagoeneko hilabete erdia joan zaigu baina oraindik ere parte har dezakezu martxoko Zuzeuko Gaztea sarian.

Gogoratu gazte, hogeita hamar urte azpikoa bazara eta zer kontatua baduzu (testu, audio, marrazki, argazki, bideo… bidez), 150 euro ditugula hilabetero zeuretzako; Azkue fundazioaren laguntzarekin banatzen dugun saria. Anima zaitez parte hartzera!

 

• Urtarrilean Katalin Antxiak eskuratu zuen “Kirol arroparekin bueltaka…” artikuluagatik.

• Otsailean Alazne Sainz Gil de Paulesek irabazi zuen “Feminaziak sutan” idatziarekin.

.

30 urte baino gutxiagoko egileen artikulu originalak beharko dute izan, aurretik inon argitara gabeak, eta izen abizenez sinatuak, argazki eta guzti.

ARGIBIDEAK

Lehiaketa honen xedea, euskaraz idatzi nahi duten gazteak kitzikatzea da, haien lanak kontsolidatutako hedabide batean argitaratzeaz gain, dirutxo bat irabazteko aukera emanez hilabetero-hilabetero. Gainera, ZUZEUko Erredakzioaren laguntza izango dute euren lanak behar bezala idatzi eta argitaratzeko, etengabeko aholkularitza baten bidez.

.

Baldintzak:

• Artikuluak originalak beharko dute izan, eta inon argitara gabekoak.
• Artikulua argitaratzen den unean, egileak 30 urte baino gutxiago dituela erakutsi beharko du.
• Artikulu edo sarrerak ZUZEUn argitaratu beharko ditu egileak, bertan erregistratu eta WordPress editorea erabiliz.
• Artikulu edo sarrera bakoitza hilabeteko gainerakoekin lehiatuko da, betiere 30 urtez azpikoetan. (Horretarako egileak editorean GAZTEA kategoria markatuko du).
• Egileak erregistratzean emandandako benetako izen-abizen eta argazkiz sinatuko du.
• Taldean edo batek baino gehiagok idatzitako lanak ere argitara daitezke,  baina sinatzaile bakarrari emango dio ZUZEUk saria, gero berak behar bezala bana dezan. Nahi bada, artikuluaren amaieran jar daitezke gainerako egileen izenak.
• Artikulu bakoitzak 300 hitz ukango ditu, gutxienez, eta argazki edo ilustrazioren bat ere beharko du, hau ere gutxienez.
• Lan guztiek Zuzeuren erabilera baldintzak bete beharko dituzte.
• Argitaratutako artikuluak , ZUZEUko gainerako guztiak bezalaxe, Creative Commons aitortu lizentziapean geratuko dira.
• Nahi haina artikulu argitara daiteke.

.

Epai-mahaiak kontutan hartuko ditu:

• Artikuluaren edukia eta formaren bikaintasuna.
• Idatzitakoa izan dadila ZUZEUren erabiltzaileen interesekoa eta, ahal den neurrian, eztabaida eragilea.
• Testu soilaz gain, sareko kontakizun modu berriak erabiltzea ere hartuko da kontutan: argazkiak, multimedia, grafikoak, e.a. Horretarako egileak tresna edo bestelakoen beharrik balu, ZUZEUko erredakzioak bideratuko dizkio.

.

Eta gainera:

• Saria nori dagokion ZUZEUko erredakziokoek erabakiko dute eta hilabete bakoitzaren lehenean jakinaraziko da nor izan den aurreko hilabeteko irabazlea.
• Saria bat eta bakarra izango da hilabetero, baina epaimahaiak ez ematea ere erabaki lezake, baldin eta argitaratutako lanek behar besteko mailarik ez dutela eskaini irizten badiote. Hala balitz, hilabete horretako diru-saria, hurrengo hilekoari gehituko litzaioke. Eta hala.
• Argitaratutako artikuluren batek behar besteko kalitaterik ez baleuka, ZUZEUko erredakziokoek kendu ahal izango dute argitaratutako lekutik.
• Epaimahaiaren erabakia eta araudi hau onartu egin beharko dira parte hartu ahal izateko.

Urtarrilaren 1ean hasita, ZUZEU orainkariak Azkue Fundazioaren laguntzaz 150 euroko saria emango dio hilabete bakoitzean artikulu onena argitaratzen duen gazteari, alegia, 30 urtez azpiko egileari.

(Informazio gehiago edo beste zerbait nahi baduzu, idatzi lasai, eta ez ahaztu, hogeita hamarretik gorakoa bazara ere, gustu handiz irakurriko ditugula ZUZEUn zuk zeuk egindako sarrerak).…

Zuzeu Gaztea sariak beste 150 euro ditu martxoan zeuretzako