Onargarria da txertatzera behartzea? –

Dakigunez, pandemiak beti agertu/egon dira historian zehar. Baztanga, Izurri Beltza eta beste pandemia batzuek gizartea gogor jo zuten agertu zirenean (jendea milaka hil zen, gorpuak kaleetan ikusten ziren…), eta gaixotasun horiekin akabatzeko, bai sendagaiak (txertoak eta antibiotikoak) bai konfinamendua/itxialdia erabili ziren. Gaur egungo pandemia, “pandemiatxoa” da historikoki gertatutako sarraskiekin alderatuta. Ehunekoetan, Euskal Herrian hasi zenetik urtea bete arte, Koronabirusaren ondorioz hildakoen kopurua biztanleria osoaren %0,1 (3.000/3.000.000) da eta batez besteko adina 80 urte ingurukoa. Kontua da, gure gaur egungo estandarretarakoa, onartezinak direla datu hauek.

Gaur egun, gure gizartea askoz aurreratuago dago. Medikuntzak ez dauka zerikusirik antzinakoarekin konparatzen badugu, sendagai aldetik zein kirurgiaren aldetik, jende gutxiago hiltzen baita. Tamalez, 2019an, birus berri bat agertu zen Wuhanen, Txinan, eta denboraren poderioz, pandemia ikaragarria sortu zuen, hau da, COVID-19; baina esan dezakegu betiko pandemiak bezalakoa dela?

Ikertzaile batzuek esaten dute birusaren kutsaketa sortu zela animalia basatiak jateagatik, beste batzuk, berriz, ziur daude birusa laborategi batean sortu zela. Batek daki benetan nola sortu zen, baina dakiguna da milioika pertsona hil egin dela pandemia honetan, eta egunero gehiago gehitzen dira zifra honetara.

Industria farmazeutikoak, pandemia murrizteko, txerto batzuk sortu ditu ahalik eta azkarren, eta gaur egun jende guztia txertatzen ari da, baina hori ikusita, nik neure buruari galdetzen diot: Eraginkorrak/osasungarriak al dira txerto horiek? 

Alde batetik, txertoak ezinbestekoak dira helduen eta arriskuan dauden pertsonen birusaren efektu kaltegarriak murrizteko, zehazki, birusarekin kutsatzen badira, seguraski gorriak pasatuko dituzte, edo, zoritxarrez, hil egingo dira.

Beste alde batetik, berriz, txerto horiek metodologia ezberdinarekin eginda daude (ARN), eta ikertzaile batzuen arabera, kaltegarriak izan daitezke gure sistema inmunologikoarentzat urteak pasa eta gero. Horretaz gain, gutxiengo batek tronbosiak pairatu ditu, nahiz eta pertsona horiek osasuntsuak zeuden. Bukatzeko, txerto guztiek metalak eta gure gorputzerako beste gauza kaltegarriak daramatzate, eta oraindik ez dakigu zenbat dosi jarri egingo diren.

Hori ikusita, esan daiteke “ulergarria” dela agintarien ikuspegitik biztanleria osoa txertatzeko nahia. Baina ikuspegi indibidualetik, batez ere gaztea bazara [hau da, Covid-ak jota hiltzeko aukera txikiak dituzularik], “ulergarria” da ere txertoa jartzerako orduan zalantzak agertzea. Baina zalantza horiek planteatzeak ez zaitu derrigorrez pandemiaren “ukatzaile” edo negazionista taldean sartzen. Izan ere, aurkakoa ere esan daiteke, hots, “txertoaren eragin kaltegarrien ukatzaileak” daudela. Telebista, komunikabide nagusi, politikarientzat… badirudi tabu bat dela esatea “Aizu, ni ez naiz txertoen aurkakoa, baina txerto honekin ditut zalantzak”.

Txertoa ona da eta kitto. Jar ezazu eta kitto. Hor bukatzen da eztabaida.

Normala da jendeari txertoak ipintzera derrigortzea, oraindik ez badakigu erabat onak ala txarrak diren? Nik, behintzat , pentsatzen dut ezetz. Inork ez daki, ziurtasun osoz, zer gertatuko den, ez pandemiarekin ez txertoekin epe luzera.

Txertoa hartu baduzu ere, kutsatua izan zaitezke eta besteak kutsatzen jarraitu dezakezu. Batez ere, norberaren babeserako omen da eraginkorra. Baina ez transmisibilitatea ekiditeko. Hortaz, txertoa ez hartzea nagusiki norberaren erantzukizuna izan beharko litzateke.

Gainera, albo ondorioengatik hiltzen bazara, nork hartzen du erantzukizuna? Gobernuak? Pfizer, Moderna edo AstraZenecak? Irakurri dut, “emergentziazko medikamentua” izanik, ez dutela kalte-ordainik emango. Arrazoi hori nahikoa izan daiteke txertorik ez onartzeko?

Txertoaren ondorioz hiltzeko posibilitatea oso txikia da. Demagun milioi batetik bat (%0,0001). Baina 1.000 milio pertsonari jartzen badiote, 1.000 pertsona hilko dira txertoagatik. Koronabirusa ez harrapatzeko zuhurtasunez jokatzeko eskatu digute. Baina txertoa ez hartzeko, hain zuzen, zuhurtasuna argudiatu dezakegu. Izan ere, posible da Koronabirusa harrapatzea eta horren ondorioz hiltzea, baina posiblea da ere, inoiz ez harrapatzea. Covid-az hiltzeko, 2 gertaera gauzatu behar dira: harrapatzea eta ondoren hiltzea. Estatistikoki, “posibilitate bikoiztua” deitzen da: bi gertaeren ehunekoak biderkatu behar dituzu eta ondorioz ehunekoa txikitzen da. Oro har, %0,1ekoa izan daiteke Covid-agatik hiltzeko aukera eta gaztea bazara, askoz txikiago. Txertoarekin, ordea, “boletoa” poltsikoan sartu duzu dagoeneko. 

Posibilitatea txikia bada ere, onargarria da txertatzera behartzea?

Onargarria da txertatzera behartzea? Onargarria da txertatzera behartzea? Onargarria da txertatzera behartzea?