Sos Deiak euskaraz… sokorri!

2017-08-24 08:54
Gaztañe Arnostegi
- Euskara

Sos Deiak euskaraz… sokorri! –

-SOS Deiak, bai esan?

-Aizue, euskarak larrialdi bat izan du zuen Twitter kontuan; sokorri!

Aurtengoa ez dugu izan oso uda eguzkitsua gurean, eta gure erakundeen hizkuntza erabilerak ere ez digu depresiotik irtetzeko aukerarik eskaini, hain dira zakarrak eta arduragabeak euskararekin.

Atzo, esaterako, lasaitu beharrean gure onetik atera gintuen larrialdiak koordinatzen dituen kontuko txio honek:

Irun,N-121 74 km tan #trafikoa istripua,moto eta kotxa artean,larrialdieko zerbitzuak lekuan,zuritua Bidasoa ospitalera eramana.

— SOS Deiak – 112 (@112_SOSDeiak) August 23, 2017

Kasu! SOS Deiak kontuaren mezuetan garrantzitsua da zalutasuna, eta bateren batek pentsa lezake errukiorragoak beharko genukeela izan, presiopean ibiltzearen ajeak baino ez dituelako azaleratzen mezuak, presak eragindakoak.

Baina SOS Deiak twitter kontuak elebitan ematen ditu mezu guztiak, eta bi hizkuntza horietako batean -ezetz asmatu zeinetan- nekez aurkituko duzu akats ortografikorik.

Azken hamar mezuak

Azter ditzagun orain euskaraz txiokatutako azken hamar mezuak, 24 orduren buruan botatakoak, lehen irakurritako mezua gora-behera, euskarari zein arreta ematen dioten ezagutzeko. Ikusiko dugu nola Aramaion bidea zuzen hasi eta Donostiara heldu orduko oker-oker datorren Sos Deiak, azken mezuetan akatsez-akats.

Aramaio. A-2620 21,8 km-an. Trafiko istripua; ondorioz zauritu bat Santiagoko Ospitalera eramana. #trafikoa

— SOS Deiak – 112 (@112_SOSDeiak) August 22, 2017

Hernani. A-15 km. 164,5. #trafikoa istripuaren ondorioz pertsona bat harrapatuta. Larrialdietako Zerbitzuak bertan daude lanean.

— SOS Deiak – 112 (@112_SOSDeiak) August 22, 2017

Zauritua Donostia Ospitalera eramana. #trafikoa https://t.co/MPbAzDRDQz

— SOS Deiak – 112 (@112_SOSDeiak) August 22, 2017

Ortuella BI-2757 auto batek sua hartu du, larrialdietako zerbitzuak bertan dira. #sute

— SOS Deiak – 112 (@112_SOSDeiak) August 22, 2017

Arrasate. motor-gidari zauritua trafiko istripuaren ondorioz Debagoieneko Ospitalera eraman dute. #trafikoa

— SOS Deiak – 112 (@112_SOSDeiak) August 23, 2017

Arrigorriaga. Pedro Muro kalean. Sukalde batek su hartu du. Bi pertsona kaltetuak arnasa arazoekin Galdakaoko Ospitalera eramanak #sute

— SOS Deiak – 112 (@112_SOSDeiak) August 23, 2017

Donostia,Baratzategi kalean #trafikoa istripua,bi berebil artean,larrialdieko zerbitzuak lekuan , zauritu bat Donostiako ospitalera eramana.

— SOS Deiak – 112 (@112_SOSDeiak) August 23, 2017

Donostia,Ulia inguruan GR-121 bidean pertsona baten erorketa,larrialdieko zerbitzuak lekuan #mendian .

— SOS Deiak – 112 (@112_SOSDeiak) August 23, 2017

Donostia,GR-121 bidean erori den pertsona Ertzaintzaren helikopteroak suhiltzaileen laguntzaz erreskatatu eta anbulantziaren gana eramana.

— SOS Deiak – 112 (@112_SOSDeiak) August 23, 2017

Kasu! SOS Deiak kontuaren mezuetan, zalutasunak bezain garrantzitsua izan beharko luke zehaztasunak, baina bateren batek pentsatuko du lasaiago hartu behar dugula guzti hau, azken finean hamar mezuetatik azkenak baino ez badira okerrak, txiolariak lan karga handia izango duela, ez besterik.

Eta zergatik? Izango da txandaka lan egin eta langile guztiak ez direlako euskaldunak, mezuak automatikoki itzultzen dituztelako, ala piperrik ere inporta ez zaielako. Edozein modutan, baldintza eskasek ez dute laguntzen lana zuzen betetzen. Joan den martxoan salatu zutenez, larrialdietako mezuak jasotzeaz arduratzen diren langileek 4,37 euro kobratzen dute orduko (neto), urteko 365 egunetan lan eginez, izan gau edo igande; telefono bidezko saltzaileen antzera.

Erantzunak (txioherrian):

Errukiorrak ez gara akaso, baina txantxangorriak bezain umoretsuak bai antza, salaketa mezuen ondotik, negarrari ez ematearren, txantxak ere agertu baitira sarean.

lotsagarria! Ez duzue lotsarik? Hau egiteagatik kobratu egiten duzue? Lapurrak!

— Ni (@TxusNaizNi) August 23, 2017

Barakaldo, #istripua etxe barruan. Erretina erreta akats ortografikoen irakurketaren ondorioz. Zauritua Gurutzetara, pronostiko larria. https://t.co/w3VZgwnpHL

— #ivan (@P_oftheRiver) August 23, 2017

#hitztripu larria. Zauritua Euskal Filologia fakultateko arreta berezien gelara eraman dute larri. https://t.co/HZGxreeTtN

— Ander Gortazar (@derzu_uzala) August 23, 2017

Anbulantziara joateko gogo biziz https://t.co/lKwf7f5iKt

— Galder Gonzalez (@theklaneh) August 24, 2017

Ospitalean amaitu duen koitaduak barka nazala ?, baina kotxean zer ote zebilen “zuritzen” hoba ez galdetzea, @AitorEskiula

— sonetska marmeladova (@txiruriruri) 2017(e)ko abuztuak 23

–Entxun guapo: ni nais @112_SOSDeiak eko CM. Pisca bat es mucho, bale? pic.twitter.com/UN0Ajb8FfW

— Jozulin.eus (@jozulin) August 23, 2017

(Aurrekariak)

Lotsagarria! Erakunde publikoa izanda hizkuntza ofizialean horrela idaztea! Euskaldunon informazio eskubidea zapaltzen duzue!

— leire narbaiza arizm (@txargain) August 21, 2017

Petronorran ez dago arriskurik. @112_SOSDeiak-en #kimika -k guztia eraman du eta pic.twitter.com/IHadyqgHaw

— Beranduegi (@beranduegi) 2017(e)ko abuztuak 22