Pasapalabran ere nafarreraz

Pasapalabran ere nafarreraz –

Tele5 kateko Pasapalabra saio ezagunean “euskera” idatzi ordez “eusquera” idatzi dutela-eta, kexa ugari izan dira.

Espainia parte horretan `vascuence´ zaharkituaren partez euskera esaten ikasi dutelako pozik egon beharrean, askori begiak odoletan hasi zaizkio -bide batez esan dezagun sare sozialetan izularritu direnetako askok gaztelera dutela nagusi mezuetan-; guk geuk `Madril´, `frantsesa´ edo `Ingalaterra´ hitzak erabiliko ez bagenitu legez, adibide batzuk jartzearren, “Madrid”, “français” edo “England” beharrean.

Zer arazo dago espainiarrek beren grafia erabil dezaten, horrela bederen “euskera” hitza ondo ahoskatzeko gai badira?

.

RAE

Joan den asteazkeneko saioaren ondoren sortutako kalapita ikusita, Telebost kateak azalpenak eman nahi izan ditu, eta RAEren hiztegia erabili du aitzakia bezala, honek hitza idazteko bi moduak onartzen dituela esanez: “euskera” zein “eusquera” (ikus beheko argazkian, ezkerretara).

Azalpenarekin konforme gelditu ez, eta guk gure aldetik egiaztapen batzuk egin nahi izan ditugu… orain gutxi ezagutu dugun Naffar Translator programa erabilita; eta bai, susmatzen genuen bezala, “eusquera” naffarreraz idatzita dagoela frogatu ahal izan dugu (ikus beheko argazkian, eskumatara).

Ez da ba Josu Lavin saioko gidoilarietako bat izango? Pasapalabra!

Pasapalabran ere nafarrerazPasapalabran ere nafarreraz
euskara, eusquera, Josu Lavin, nafarrera, pasapalabra, RAE, tele5

Zer duzu buruan “Pasapalabran ere nafarreraz”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude