Ibarretxe: “Ezinezkoa da lehendakaria izan eta euskara ez jakitea”

Ibarretxe: “Ezinezkoa da lehendakaria izan eta euskara ez jakitea” –

Bideo labur bat prestatu du ahotsak.eus proiektuak, Juan Jose Ibarretxe lehendakariari egindako elkarrizketako pasarte onenekin.

Juan Jose Ibarretxe lehendakaria elkarrizketatu genuen maiatzean, ahotsak.eus proiekturako. Umetako eta gaztetako kontuak jasotzea zen helburua. Sustraietara joanda, politikaz haratago. Eta, bide batez, baita euskararekin daukan harremana ezagutzea ere. Ibarretxe euskaldun berria da, eta ahalegin handia egin du hizkuntza ohiturak aldatu, eta euskaraz bizitzeko. Besteak beste, euskara eta identitatea izan zituen hizpide.

Bideo txiki bat prestatu dugu, elkarrizketa hartako pasarte batzuekin:

Leioako EHUko campusean egin genuen hitzordua Ibarretxerekin. Twiterren mezutxo bat ere idatzi zuen lehendakariak, elkarrizketaren harira:

Jose Antonio Ardanza politikari jeltzalearekin ere egon ginen, uztailaren erdialdera, Bilbon. Beraz, bi lehendakariren elkarrizketak ditugu Ahotsak proiektuan jasota: Ibarretxe eta Ardanza. Harrera beroa egin ziguten biek ere, oso gertuko agertu ziren, eta kontu interesgarriak kontatu zizkiguten. Ardanzaren testigantzekin osatutako bideotxoa ere laster izango dugu prest!

Ibarretxe: "Ezinezkoa da lehendakaria izan eta euskara ez jakitea"Ibarretxe: “Ezinezkoa da lehendakaria izan eta euskara ez jakitea”

Sarean, han eta hemen argitaratzen direnak harrapatzen, zeure interesekoak direlakoan.