Euskararen palanka

Euskararen palanka –

Euskararen palankaEuskaraldia ekimena Euskal Herri osoko herri eta hiri askotan gauzatuko da lehen aldiz aurtengo azaroan eta abenduan. Izena emateko orduan, ehundik gora herrik esan dio baietz ekimenari, horietako bakoitzean sortu da talde eragile bat tokiko aktibazioaren ardura hartzeko prest. Dinamika indartsu honek beste hainbat herri mugiarazi du, eta antolatzaileek izena emateko epea luzatzea erabaki dute, bigarren txandakoek ere aukera izan dezaten.

Euskaraldia elkarlan publiko-sozialetik jaio zenez, pentsa zitekeen harrera ona izango zuela. Baina gertatzen ari denak aisa gainditzen ditu aurretiazko usteak, ekimenaren hedapena birala bihurtu da. Nire ustez, halako ekimen baten premia zegoen, bateratua eta ekintzara bideratua, aldi berean eragingo duena partaide bakoitzean eta portaera kolekiboetan. Urteak daramatzagu esaten euskararen biziberritze prozesua moteltzen ari dela, eta Euskaraldiak erakusten du palanka egokia jartzen denean behar den tokian, herritarren eskuak berehala biltzen direla indar egiteko. Sinetsita nago palanka hau ondo erabilita goranzko inflexioa eragin dezakegula euskararen prozesuan.

Euskararen palanka
Euskaraldia
Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

Zer duzu buruan “Euskararen palanka”-ri buruz

  • Bai. Gertatzen dena da herritar euskaltzale koherenteei (gutxiengoari) eskatzen zaiela ahalegina behin eta beste behin. Euskaltzale (apur) horiek dira buru-belarri lanean ari direnak Euskaraldiak arrakasta izan dezan. Jaurlaritzak, aldundiek eta udalek, gure diruetako batzuk (gutxi) bideratuko dituzte ekimenera (euskaltzale eragileek tira eta tira izerdiak eta bi bota ostean), eta hamaika egunez “egun-berezietako-euskaltzaleak” batuko zaizkio ekimenari eta politikari abertzale erdarapraktikanteek ere burua agertu nahi izango dute, argazkilariak non, eurak han.
    Horren ondotik erakundeek neurri eraginkorrak hartzen ez badituzte (ez du ematen gertatuko denik), aste gutxiren buruan ohiko erabilera maila gero eta urriagora itzuliko gara, inkestagileei “egun-berezietako-euskaltzaleek” erantzunak erantzun.
    Beti batzuk palankari eragiten, eta beste batzuk argazkietan irteten.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude