Euskararen aldeko liburuxka

Euskararen aldeko liburuxka

Azpiko mezua iritsi zitzaidan duela egun gutxi. Egin dut nire ekarpena, eta zeuon interesekoa izango delakoan, hemen uzten dizuet Euskal Herrian Euskaraz taldeak zabaldutako deia.


Euskararen aldeko liburuxka

Lagun euskaltzalea:

Euskararen aldeko liburuxkaIritzi zabaldua da euskararen aldeko lanak urrats berria behar duela. Euskarak behar du eta euskaltzaleok horren premian gaude. Behar horri erantzuteko, Euskal Herrian Euskarazek hausnarketa sakona burutu du azken urtean. Emaitza Euskal Herriaren berreuskalduntzean jauzia eman eta azken hamarkadetan euskararen alde egindako lana irabazpidean jartzeko proposamena da. Era berean, jauzi horretan ekarpen ahalik eta eragingarriena egin dezan EHEk bere jarduera eguneratzeko oinarria jarri du. Orain, gogoetaren idazkiaren laburpena liburuxka formatoan eta paperean inprimatuko dugu, herritarren, euskalgintzaren, elkarteen eta instituzioen artean banaketa handia egiteko. Era berean, euskal preso politiko bakoitzari ale bana bidaliko diogu.

Zoritxarrez, betiko muga dago: dirua. Liburuxkaren gastuei aurre egiteko zuengana, euskaltzaleengana, jotzea pentsatu dugu, herriaren eskuzabaltasunari dei egitea beste behin. Hau ahalbidetzeko crowdfunding ekimena abiatu dugu, internet bidez dirua biltzeko. Honako loturan topatuko duzue modua eta informazio gehiago*:

https://www.verkami.com/projects/17491-euskaraz-gara-eheren-liburuxka

Euskararen aldeko liburuxkaZure diru-ekarpena zertan erabiliko dugu? Orain, ponentzia horren laburpena liburuxka formatoan eta paperean inprimatuko dugu, herritarren, euskalgintzaren, elkarteen eta instituzioen artean banaketa handia egiteko. Era berean, euskal preso politiko bakoitzari ale bana bidaliko diogu. Lehen tirada batean 6.000 ale aterako ditugu. Liburuxkaren ezaugarriak hauek dira: 48 orri, A5 tamainan, portada koloretan, barruko orriak 2 koloretan eta grapatua.

Zure diru-ekarpenak liburuxka hori paperean eta tirada handian argitaratzen lagunduko digu eta EHEren ekarpena Euskal Herriko txoko guztietara zabaltzea ahalbidetuko digu. Gure hausnarketaren ondorioak ahalik eta euskaltzale gehienen eskuetara iristea nahi baitugu.

Jasotako dirua honela banatzea aurreikusten dugu:

  • Liburuxkaren diseinua eta maketazioa: 150 euro.
  • Liburuxka inprimatzea: 1.200 euro.
  • Bidalketa gastuak: 450 euro.
  • Sarien gastuak: 400 euro.
  • Zergak eta egitasmoaren kudeaketa gastuak: 800 euro.

Hau da guk aurreikusten dugun gutxienekoa. Noski, hortik gorako gero eta diru-ekarpen handiagoa izan, gero eta liburuxka gehiago inprimatu ahal izango dugu, beraz, gero eta zabalpen handiagoa eman ahal izango diegu EHEren hausnarketei.

Ekarpen oro behar-beharrezkoa dugu Euskal Herria berreuskalduntzeko EHEren proposamena txoko guztietara zabaltzeko. Bor-borka ditugun ideiak aurrera eramateko diru falta ez dadila muga izan!

Aldez aurretik jaso ezazu gure eskerrik euskaltzaleena.

*Euskal Herrian Euskaraz*

Euskararen aldeko liburuxka
Euskal Herrian euskaraz, euskara, Euskararen aldeko liburuxka, liburuxka

Utzi erantzuna

Zure e-posta helbidea ez da argitaratuko. Beharrezko eremuak * markatuta daude